Hramadstva

Jak zarablać na YouTube paśla adklučeńnia manietyzacyi ŭ Biełarusi? Heta całkam mahčyma

Dla bolš-mienš papularnych błohieraŭ manietyzacyja Google nikoli nie była asnoŭnaj krynicaj dachodu. Jość schiemy, jakija prynosiać bolej hrošaŭ — sabrali samyja papularnyja ź ich.

Fota «Našaj Nivy»

Pramaja rekłama

Samy vidavočny sposab zarobku. Kampanija płacić vam za rekłamu ŭ rolikach, ale nie ad jutuba. Takija videa musiać mieć u sabie tekst «videa ŭtrymlivaje ŭ sabie rekłamu».

Pradukt-płejsmient

Zvyčajna ŭ takim vypadku vykarystoŭvajucca tavary taho, chto płacić, i jany musiać być intehravanyja ŭ videa. Ideja ŭ tym, kab vyklikać žadańnie kupić pradukt prosta zaraz, ale bolš tonka, čym z pramoj rekłamaj — ulubiony błohier byccam i sam zachaplajecca ci prosta karystajecca tavarami brenda.

Naprykład, błohier moža być u adzieńni niejkaha brenda (i miž inšym zaŭvažyć, što ŭ taho vyjšła novaja kalekcyja) abo jeści ŭ kadry pradukt ad brenda.

Sponsarstva

U hetym vypadku kampanija ci brend płacić za kantent, jaki zvyčajna praduhledžvaje vykarystańnie ci demanstracyju ŭ videa pradukcyi abo atrybutyki brenda, ale «miž inšym». Pramoj rekłamy ŭ takich videa niama. Naprykład, Red Bull finansuje mnohich błohieraŭ, jakija zajmajucca ekstremalnym sportam, a rasijski «Avijasejłs» — trevieł-błohieraŭ dy stendapieraŭ.

Taki vid rekłamy nakiravany najpierš na pavyšeńnie paznavalnaści brenda ahułam. Takaja forma bolš aktualnaja dla bujnych błohieraŭ, ale i paraŭnalna nievialikija mohuć raźličvać na hrošy ad mienšych brendaŭ.

Danaty

Niahledziačy na toje, što vyvieści srodki z Patreon u Biełaruś ciapier niaprosta, jość rasijskija anałahi — naprykład, Boosty. Taksama možna prasić achviaravańni prosta na kartku.

Partniorski markietynh

U hetym vypadku błohier pradaje niešta pa svaim pramakodzie. Naprykład, vy rekłamujecie adukacyjnyja kursy ci tavary. Kali čałaviek ich kuplaje pa vašym pramakodzie, to adsotak ad prodažu idzie vam.

Prodaž ułasnych tavaraŭ dy pasłuh

Taksama błohiery mohuć pradavać niešta sami. Heta moža być jak pradukcyja z łoha kanała ci kalekcyi adzieńnia ad błohieraŭ, hetak i roznyja kursy dy treninhi. U mnohich błohieraŭ u Rasii dy za miažoj heta asnoŭny biznes, a rekłama ź jutuba ŭ maštabach prynosić niašmat.

Stvaryć novy akaŭnt AdSense u inšaj krainie

Heta nie vielmi prosta, ale mahčyma. Šmat rasiejcaŭ, da prykładu, kab abyści praviły Google, stvarajuć IP u Hruzii i rehistrujuć «hruzinski» AdSense. Toje samaje možna zrabić i praz Kazachstan dy inšyja krainy, jakija dazvalajuć biełarusam biez prablem adkryvać IP ci kampanii ŭ hetych krainach.

Reč u tym, što zabarony Google raspaŭsiudžvajucca nie na pašpart uładalnika, a na rehijon, dzie jon farmalna znachodzicca. Jość šmat servisaŭ, jakija robiać takija akaŭnty «pad kluč».

«Naša Niva» — bastyjon biełaruščyny

PADTRYMAĆ

Kamientary

Ciapier čytajuć

Učora Minsk znoŭ zatapiła. Čamu stalica nie hatovaja da daždžoŭ?4

Učora Minsk znoŭ zatapiła. Čamu stalica nie hatovaja da daždžoŭ?

Usie naviny →
Usie naviny

«Zakazaŭ bolš, čym mašyn na linii». Kiraŭnik «A1 taksi» — pra ceny i biełaruskuju movu ŭ dadatku2

Jak samyja niebiaśpiečnyja narkakarteli śvietu zachoplivajuć Jeŭropu10

Bahaćcie Iłana Maska za adzin dzień skaraciłasia na $34 młrd paśla svarki z Trampam4

Namieśnica redaktara «Minsk-Navin» raskazała, jak źmianiłasia jaje žyćcio paśla šlubu z musulmaninam ź Siryi15

U Kijevie pad rasijskim udaram zahinuli troje ratavalnikaŭ

«Historyja nie vyklikaje davieru». Polšča pieradała Litvie spravu ab mižnarodnaj abaronie biełaruski, jakaja časta jeździła ŭ kamandziroŭki7

«Ja viedaju, što na hetaj vajnie ja zdochnu. Ale chaču stvaryć narmalny šturšok ruchu»: vyjšła druhaja častka filma «Vołat. Žyćcio na nuli»9

U Kazachstanie patłumačyli zahadkavyja ahni nočču nad krainaj

Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin43

bolš čytanych navin
bolš łajkanych navin

Učora Minsk znoŭ zatapiła. Čamu stalica nie hatovaja da daždžoŭ?4

Učora Minsk znoŭ zatapiła. Čamu stalica nie hatovaja da daždžoŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić