Machlary ŭsio čaściej stali schilać achviar da samastojnaha pieravodu im srodkaŭ. Kala 40% padobnych vypadkaŭ źviazany z prodažam nieisnujučych tavaraŭ abo pasłuh u internecie. Bolšaść kantaktaŭ z afierystami ŭ siecivie prypadaje na Instagram.
Jak papiaredžvaje MUS, pradmietam fiktyŭnych ździełak mohuć być prapanavanyja pa pavabnych cenach hadžety, aŭtatranspart, brendavaja adzieńnie.
Akramia taho, ašukancami aktyŭna vykarystoŭvajucca siezonnyja prapanovy. Ciapier heta štučnyja jołki, aŭtamabilnyja šyny, zimovaja vopratka.
Taksama aktualnymi zastajucca zvanki ad imia «pravaachoŭnikaŭ» abo «śpiecyjalistaŭ bankaŭ», kali vymušajuć ludziej atrymlivać kredyty i pieravodzić hrošy na padkantrolnyja ašukancam rachunki. Tut aktyŭna vykarystoŭvajecca technałohija «fejk-bos», kali zvanku papiaredničaje asabistaje paviedamleńnie nibyta ad načalnika z patrabavańniem akazać sadziejničańnie.
Niaredka złamyśniki vystupajuć u roli znajomych i prosiać pazyčyć hrošy. Taksama papularnyja fišynhavyja spasyłki, naprykład, z prośbaj prahałasavać u roznych konkursach. Uvodziačy kod-parol, achviara daje dostup da ŭsich svaich kantaktaŭ.
Śpiecyjalisty nahadvajuć:
prykmiety machlarstva — heta 100% pieradapłata, niežadańnie mieć znosiny pa-za miesiendžaram, adsutnaść patrebnych dakumientaŭ, niemahčymaść pradastaŭleńnia aktualnych fota, stvareńnie iluzii najaŭnaści inšych pakupnikoŭ;
milicyjanty nie patrabujuć ad hramadzian udzielničać u złovie machlaroŭ ci ździajśniać jakija-niebudź finansavyja apieracyi;
nie pierachodźcie pa nieviadomych spasyłkach. U vypadku atrymańnia takich ad znajomych źviažyciesia z adpraŭnikom inšym viadomym vam sposabam;
vykarystoŭvajcie ŭ miesiendžarach dvuchetapnuju aŭtaryzacyju.
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja2
Kamientary