Na volu vyjšaŭ kulturny mieniedžar ź Viciebska Uładzimir Bułaŭski
Kulturny mieniedžar Uładzimir Bułaŭski byŭ asudžany da 2 hadoŭ źniavoleńnia pa art. 342-2 KK («nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ»).
Pra jaho vyzvaleńnie paviadamlajuć siarod kulturnych dziejačoŭ Viciebska, piša telehram-kanał «Viciebsk, ja hulaju!».
35-hadovy Uładzimir byŭ adnym z čatyroch palitviaźniaŭ, jakich asudzili pa hetym artykule, — kryminałku zaviali za niekalki administracyjnych spraŭ.
Pieršy raz jon byŭ zatrymany ŭ asnoŭny dzień hałasavańnia na refierendumie, 27 lutaha 2022 hoda, i aryštavany na 15 sutak. Uładzimir musiŭ vyjści na volu, ale dadomu jaho pryvieźli piać siłavikoŭ, zładzili pieratrus i znoŭ zabrali aktyvista z saboj.
Druhi raz jaho zatrymali paśla taho, jak 14 śniežnia 2022 hoda ŭ Viciebsku zatrymali jašče troch čałaviek, źviazanych ź dziejnaściu hastrapaba ROK'I PUB. Nahodaj moh stać adzin z kancertaŭ. UDFR raspačaŭ spravu za niaspłatu padatkaŭ. Vidać, Bułaŭskaha jak arhanizatara kancertnaj dziejnaści ŭ Viciebsku taksama zatrymali ŭ miežach hetaj spravy.
Viadoma, što padčas znachodžańnia ŭ SIZA-2 u mužčyny pamior baćka, ale administracyja nie adpuściła Uładzimira na pachavańnie.
U vyniku Uładzimira asudzili za ŭdzieł u mirnych akcyjach. Jon adbyvaŭ pakarańnie ŭ babrujskaj papraŭčaj kałonii №2.
-
«Nie mahu vyzvalić palitźniavolenych, ale mahu palepšyć žyćcio adnaho čałavieka». Biełaruska raskazała, jak stała pryjomnaj maci
-
Piensijanierka raspaviała, jak pad vidam supracoŭnikaŭ rajvykankama jaje ledź nie abłapošyli machlary
-
U Minsku da kanca hoda budzie 40 pracentaŭ prypynačnych paviljonaŭ novaha ŭzoru
Kamientary