Rasijskaha chłopca, jakoha za spaleny Karan źbiŭ syn Kadyrava, abvinavacili i ŭ dziaržzdradzie
U dačynieńni da Mikity Žuraŭla, asudžanaha za spaleńnie Karana, raspačataja kryminalnaja sprava ab dziaržaŭnaj zdradzie. Prakuratura Vałhahradskaj vobłaści ŭžo zaćvierdziła abvinavaŭčaje zaklučeńnie, piša Mieduza.
Pavodle viersii śledstva, Žuraviel praź nienazvany miesiendžar «inicyjatyŭna prapanavaŭ supracoŭnictva pradstaŭniku słužby biaśpieki Ukrainy» ŭ sakaviku 2023 hoda, jak śćviardžaje prakuratura, jon adpraviŭ jamu videazapisy čyhunačnaha sastavu, jaki pieravoziŭ vajennuju techniku rasijskich uzbrojenych sił i samaloty vajennaha pryznačeńnia. Akramia taho, Žuraŭla abvinavačvajuć u tym, što jon pieradaŭ źviestki ab pieramiaščeńni słužbovaha aŭtamabila adnoj z vajskovych častak.
Kryminalnuju spravu nakiravali ŭ Vałhahradski abłasny sud dla razhladu pa sutnaści.
Mikitu Žuraŭla zatrymali ŭ mai 2023 hoda. Pa viersii śledstva, jon pa zadańni ŭkrainskich śpiecsłužbaŭ spaliŭ Karan na fonie sabornaj miačeci ŭ Vałhahradzie, paśla čaho pieradaŭ videazapis svaich dziejańniaŭ supracoŭniku SBU. Rasśledavańnie spravy amal adrazu pieradali ŭ Čačniu. Tady ž Žuraŭla etapavali ŭ SIZA Hroznaha.
Paźniej stała viadoma, što ŭ SIZA Hroznaha Žuraŭla źbiŭ syn kiraŭnika Čačni Adam Kadyraŭ. Paźniej Ramzan Kadyraŭ paćvierdziŭ hetuju infarmacyju. Jon taksama apublikavaŭ videa, na jakim jaho 15-hadovy syn źbivaje Žuraŭla.
U kancy lutaha 2024 hoda Visaitaŭski sud Hroznaha prysudziŭ Mikitu da troch z pałovaj hadoŭ pazbaŭleńnia voli. 20-hadovaha Žuraŭla pryznali vinavatym pa artykułach ab abrazie pačućciaŭ viernikaŭ (Častka 2 artykuła 148 KK) i ab chulihanstvie pa matyvach relihijnaj nianaviści (Častka 2 artykuła 213 KK). Žuraviel pryznaŭ vinu pa pieršym abvinavačvańni, ale admaŭlaŭ pa druhim.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary