Hienprakuratura aburyłasia prodažam dronaŭ kampanijaj Wildberries u Biełarusi
Namieśnik hienprakurora zajaviŭ ab nieabchodnaści likvidacyi parušeńniaŭ dyrektaru internet-kramy Wildberries u Biełarusi. Padstavaj staŭ prodaž bieśpiłotnikaŭ fizičnym asobam praz hetuju handlovuju placoŭku, paviedamiła pres-słužba Hienprakuratury.
Hienprakuratura i mytnia praviali pravierku i vyśvietlili, što biełarusy kuplajuć bieśpiłotniki i zapasnyja častki da ich praź internet-kramu. Tavar ža dastaŭlajuć pry dapamozie mižnarodnych pasyłak abo kurjerami.
«Bieskantrolny raspaŭsiud zhadanaj techniki zdolny akazać niehatyŭny ŭpłyŭ na hramadskuju biaśpieku, bo pavyšaje ryzyki jaje vykarystańnia ŭ supraćpraŭnych metach, u tym liku dla parušeńnia hramadskaha paradku, ekstremisckaj dziejnaści i ździajśnieńnia aktaŭ teraryzmu», — paviedamlaje viedamstva.
U vieraśni ŭstupiŭ u siłu ŭkaz Łukašenki «Ab dziaržaŭnym uliku i ekspłuatacyi hramadzianskich bieśpiłotnych latalnych aparataŭ», jaki zabaraniaje biełarusam uvozić, zachoŭvać, pradavać i vyrablać bieśpiłotniki, a taksama karystacca imi.
Kamientary