Dvoje našaniŭcaŭ vyjhrali žurnalisckuju premiju «Volnaje słova»

Treciaje miesca ŭ naminacyi «Infarmacyjnyja žanry» atrymała Viera Biełacarkoŭskaja za artykuł «Jak nie dać siabie złamać? Ivulin — pra hatovych i nie hatovych da zony, vinu pierad inšymi viaźniami i karmu łukašystaŭ»

Dypłom za pieramohu ŭ naminacyi «Videa» («Infarmacyjnyja žanry») u Nastaśsi Roŭdy za Tok z mastakom Uładzimiram Ceśleram:

«CEŚLER — pra žyćcio na Kipry, kultavych ludziej, duch Minska i antysiemityzm | TOK»

Z astatnimi pieramožcami možna aznajomicca na sajcie BAŽ.

Pavialičyć

Nastaśsia Siarhiejeŭna Roŭda naradziłasia 26 krasavika 1995 hoda ŭ Maładziečnie ŭ siamji tokara i inžynierki. Maje starejšaha brata.

Skončyła «Himnaziju-kaledž mastactvaŭ horada Maładziečna» (2012). Vučyłasia ŭ kłasie z muzyčnym uchiłam, zajmałasia vakałam i ihroj na cymbałach. U školnyja hady pradstaŭlała himnaziju ŭ muzyčnych konkursach, pisała navukovyja pracy pa litaratury, vystupała na spabornictvach pa lohkaj atletycy.

U 2012 hodzie padčas navučańnia ŭ vypusknym kłasie himnazii prajšła navučańnie ŭ Škole maładoha žurnalista Biełaruskaj asacyjacyi žurnalistaŭ pry niezaležnym vydańni «Rehijanalnaja hazieta», dzie ŭ toj čas vykładaŭ Hleb Łabadzienka.

Paśla himnazii ŭ 17-hadovym uzroście atrymała zaprašeńnie ŭ štat «Rehijanalnaj haziety» ŭ jakaści karespandentki. Skončyła zavočna fakultet žurnalistyki BDU (2018) pa śpiecyjalnaści «aŭdyjovizualnyja ŚMI».

U časie pracy ŭ «Rehijanalnaj haziecie» pad kiraŭnictvam hałoŭnaha redaktara vydańnia Alaksandra Manceviča była ŭniviersalnym žurnalistam i adkazvała za napaŭnieńnie hazietnaj staronki «Kryminał», pisała artykuły na hramadska-značnyja, žyćciovyja, a taksama kulturnickija temy.

U 2014-2016 hadach viała biaspłatnyja kursy biełaruskaj movy «Mova Nanova» ŭ Maładziečnie.

U lipieni 2016 Nastaśsia Roŭda pierajšła pracavać u «Našu Nivu» na pazicyju redaktara-reparciora. Ad maja 2018-ha — kiraŭnica adździeła rekłamy i markietynhu, z maja 2021 hoda — dyrektarka vydańnia.

U 2018-m hodzie pačała jutub-prajekt hutarak ź viadomymi biełarusami «Tok», u ramkach jakoha było apublikavana bolš za sto vypuskaŭ intervju.

U čas razhromu redakcyi ŭ lipieni 2021 hoda, kali byli aryštavanyja hałoŭnaha redaktara Jahora Marcinoviča i redaktara Andreja Skurko, znachodziłasia va Ukrainie. «Naša Niva» ni na adzin dzień nie pierastavała aśviatlać padziei ŭ Biełarusi, praz ryzyku kryminalnaha pieraśledu za prafiesijnuju dziejnaść redakcyja adnaviła pracu vydańnia ŭ emihracyi.

Z 2020 hoda Nastaśsia Roŭda taksama źjaŭlajecca zaprošanaj trenierkaj u miežach adukacyjnych prahram «Pres-kłuba Biełaruś» pa nakirunkach intervju i miedyjamieniedžmient.

U 2024-m hodzie była adznačanaja dypłomam «W+M 2024» («Žančyny plus miedyja») za talenavitaje spałučeńnie efiektyŭnaha mieniedžmientu i jarkaj žurnalistyki.

• 17
• 1
• 0
• 2
• 0
• 0
• 0
• 1