Pucin upieršyniu jedzie ŭ krainu, jakaja źjaŭlajecca ŭdzielnicaj Rymskaha statuta i farmalna pavinna jaho aryštavać
Ale ŭ Kramli nie bajacca. «U nas vydatny dyjałoh z našymi siabrami ŭ Manholii», — miarkuje Dźmitryj Piaskoŭ.
U Kramli «niama pieražyvańniaŭ» nakont taho, što Manholija, kudy 3 vieraśnia ź vizitam pajedzie prezident Rasii Uładzimir Pucin, — udzielnica asnovatvornaha dakumienta Mižnarodnaha kryminalnaha suda, paviedamiŭ pres-sakratar kiraŭnika dziaržavy Dźmitryj Piaskoŭ, paviedamlaje RBK.
«U nas vydatny dyjałoh z našymi siabrami ŭ Manholii», — adznačyŭ jon, dadaŭšy, što «ŭsie aśpiekty vizitu staranna rychtavalisia».
U sakaviku minułaha hoda Mižnarodny kryminalny sud vydaŭ order na aryšt Pucina i dziciačaha ambudsmiena Maryi Lvovaj-Białovaj, jakich padazrajuć «u niezakonnaj departacyi nasielnictva (dziaciej) z akupavanych terytoryj Ukrainy».
Kreml nazvaŭ rašeńnie suda nieadpaviednym z pravavoha punktu hledžańnia, pakolki Maskva nie znachodzicca pad jurysdykcyjaj hetaj instancyi.
Manholija dałučyłasia da Rymskaha statuta, i tearetyčna Pucina mohuć tak aryštavać.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary