Mihracyjnaje ahienctva Šviecyi pierahledzić spravy ab nadańni prytułku biełarusam
Pra hetuju inicyjatyvu paviedamlajuć Narodnyja ambasady Biełarusi.
Učora na sajcie Šviedskaha radyjo była apublikavanaja infarmacyja, što mihracyjnaje ahienctva Šviecyi hetaj vosieńniu praviadzie pierahlad spraŭ ab prytułku ź Biełarusi. Raniej ustanovu ŭžo krytykavali za vykarystańnie sastarełaj infarmacyi pra krainu, jakaja nie adlustroŭvaje masavyja represii.
«My ŭśviedamlajem hetuju infarmacyju i krytyku, jakaja była vykazanaja ŭ naš adras», — zajaviła Anna Lindbład, namieśnica jurydyčnaha kiraŭnika Mihracyjnaj rady, u intervju vydańniu Ekot.
Pradstaŭnik Narodnaj ambasady Biełarusi ŭ Šviecyi Źmicier Vaserman tak prakamientavaŭ hetu navinu:
«My, Narodnaja ambasada Biełarusi ŭ Šviecyi, adnavili dyjałoh ź mihracyjnym ahienctvam paśla taho, jak u lipieni apierataru Siarhieja Cichanoŭskaha, Kanstancinu Siarohinu, znoŭ admovili ŭ nadańni prytułku, hetym razam u mihracyjnym sudzie.
Hety vypadak padkreśliŭ, što, niahledziačy na abnaŭleńnie infarmacyi ab Biełarusi mihracyjnym ahienctvam u lutym hetaha hoda, jakaja bolš dakładna adlustroŭvaje realnaść masavaha teroru ŭ krainie, ahienctva praciahvaje padtrymlivać svaje papiarednija rašeńni ŭ sudzie.
U suviazi z hetym my znoŭ źviarnulisia da mihracyjnaha ahienctva, kab źviarnuć uvahu na nieadpaviednaść pamiž abnoŭlenaj infarmacyjaj pa krainie i dziejańniami ahienctva ŭ sudach.
Rašeńnie mihracyjnaha ahienctva Šviecyi ab pierahladzie spraŭ biełarusaŭ było pryniata na pačatku tydnia, jašče da taho, jak apošni vypadak ab departacyi staŭ viadomy publična, i nie źviazanaje ź im.
My vitajem abnaŭleńnie infarmacyi, adnak ličym krytyčna važnym, kab pierahlad spraŭ biełarusaŭ i biełarusak ab nadańni prytułku pravodziŭsia na fonie maratoryja na ich departacyju. Heta pieraškodzić vysyłcy tych biełarusaŭ, pa jakich užo byli pryniatyja rašeńni.
My budziem praciahvać dyjałoh ź mihracyjnym ahienctvam, kab zabiaśpiečyć pryniaćcie rašeńnia ab maratoryi na departacyi».
Franak Viačorka prakamientavaŭ spravu departavanych sa Šviecyi biełarusaŭ
Ci sapraŭdy ŭ turmie ŭ Žodzinie ŭ žniŭni 2023 pamior palitviazień? Nie, siamja chłusić
Šviecyja departavała ŭ Biełaruś palityčnaha ŭciekača? Što viadoma na hety momant
Biełarusa, jakomu Šviecyja admoviła ŭ prytułku, zatrymali na radzimie
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač24
Kamientary
niama biełarusaŭ - niama admovaŭ u lehalizacyi.
BINHO!!