Łatuška prapanavaŭ jeŭrapiejcam zaprasić Ryžankova pry adnoj umovie
Palityk nazvaŭ umovu, jakuju varta pastavić pierad ministram u abmien na mahčymaść jeździć u Jeŭropu.
U efiry radyjo «Racyja» kiraŭnik Narodnaha antykryzisnaha ŭpraŭleńnia Pavieł Łatuška ahučyŭ svaju prapanovu ministru zamiežnych spraŭ Biełarusi Maksimu Ryžankovu.
Jon nahadaŭ, što Ryžankoŭ znachodzicca pad sankcyjami Jeŭrapiejskaha sajuza.
Łatuška ličyć, što jość sihnały ab tym, što Ryžankoŭ budzie imknucca pryjechać na samit ABSIE na Maltu. «Zachodniki (my viedajem, na žal, našych partnioraŭ) u hetym kantekście mohuć nie prajavić ćviordaść i skazać: «Nu tak, dypłamaty ž pavinny razmaŭlać» (navat padčas vajny dypłamaty razmaŭlajuć). Jany mohuć źniać sankcyi z Ryžankova».
«Ja staŭlu pytańnie, kali jany ŭsio-taki iduć na heta. Dla taho, kab Ryžankoŭ atrymaŭ mahčymaść jeździć u Jeŭropu, jon pavinien vyzvalić sotni biełaruskich palitźniavolenych. Sotni», — zajaviŭ Łatuška.
«Ličbami ja hulać nie budu. Ale sotni jon pavinien vyzvalić, kali jon choča pryjechać na samit ABSIE, kali jon choča pryjechać kaliści ŭ Jeŭropu.
Heta ŭmova. A heta ŭžo naša zadača davieści našym zachodnim partnioram. I sumleńnie našych partnioraŭ, ci jany pačujuć našu prapanovu. Bo ja jak palityk mahu ahučyć, abaviazkova skažu heta ministram zamiežnych spraŭ. (…) Ale ich užo taksama budzie adkaznaść pastavić heta pytańnie rubam pierad Ryžankovym: chočaš pryjechać — vyzvalaj», — vykazaŭ svaju pazicyju Pavieł Łatuška.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1515
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata15
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary