Mikałaja Durava, brata Paŭła Durava, taksama abviaścili ŭ vyšuk francuzskija ŭłady. Stała viadoma za što
Francuzskija ŭłady vydali ordary na aryšt Paŭła Durava i jahonaha brata — suzasnavalnika Telegram Mikałaja ŭ sakaviku, daviedaŭsia Politico. Ordar na aryšt Paŭła i Mikałaja Duravych byŭ vydadzieny raniej, čym było pra heta viadoma.
Francuzskija ŭłady vydali ordary na aryšt Paŭła Durava i jaho brata Mikałaja ŭ sakaviku, zhodna z francuzskim administracyjnym dakumientam, ź jakimi ekskluziŭna aznajomiłasia vydańnie.
U dakumiencie havorycca, što francuzskaje rasśledavańnie razhortvajecca vakoł admovy Telegram supracoŭničać z francuzskaj palicyjaj pa fakcie seksualnaha hvałtu nad dziećmi.
Ordary na vyšuk bratoŭ Duravych byli vydadzienyja paśla taho, jak Telegram nie adkazaŭ na zapyt francuzskich uładaŭ pra asobu čałavieka, jaki padazrajecca ŭ stvareńni dziciačaj parnahrafii. Hety čałaviek, jak paviedamlajecca, abmiarkoŭvaŭ spakušeńnie niepaŭnaletnich dziaŭčynak dla zdymak porna i pryznaŭsia ŭ zhvałtavańni dziciaci.
«Niama nijakich ukazańniaŭ na toje, što braty Duravy byli naŭprost uciahnutyja ŭ niezakonnyja dziejańni, vyjaŭlenyja rasśledavańniem», — adznačaje Politico.
Pavieł Duraŭ byŭ aryštavany 24 žniŭnia francuzskaj palicyjaj u paryžskim aeraporcie pa prylocie z Azierbajdžana.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary