Novy hiendyrektar Starbucks trapiŭ u skandał, bo źbirajecca latać na pracu na samalocie. Ale jość niuans
Kab trapić u ofis, jamu treba pieraadoleć 1600 km.
Novy hiendyrektar Starbucks Brajan Nikoł padvierhnuŭsia krytycy. Pa kantrakcie jon pavinien znachodzicca ŭ ofisie try dni na tydzień, a dabiracca tudy jon źbirajecca na karparatyŭnym samalocie, tamu što ad ofisa da jaho doma — 1600 kiłamietraŭ. Nikoł i jaho siamja žyvuć u Ńjuport Bič, Kalifornija (ZŠA), a štab-kvatera Starbucks znachodzicca ŭ Sietle, piša Bi-bi-si.
Kali pieraadolvać hetu adlehłaść na mašynie, to treba 18 hadzin. Na samalocie ž — 2,5-3 hadziny
Pavodle spravazdačy Jeŭrapiejskaj fiederacyi transpartu i navakolnaha asiarodździa, palot na pryvatnym samalocie jość adnym z najbolš «brudnych» vidaŭ transpartu: jon vyrablaje da 14 razoŭ bolš vykidaŭ u navakolnaje asiarodździe na adnaho pasažyra, čym kamiercyjnyja rejsy, i ŭ 50 razoŭ bolš, čym pry pajezdcy na ciahniku.
Krytyki abvinavacili Starbucks u kryvadušnaści, bo ŭ publičnym poli kampanija pazicyjanuje siabie jak ekałahična adkaznuju.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary
Štosekundna ŭsiaśvietny referendum nie praviadzieš, bo knyrovičy nakručvajuć apytanki, to Centralan raspracuje schiemu rassyłki aŭtazakaŭ pa rabotnikaŭ.
Aŭtazaki ekalahičnyja - elektra, na rejkach - tramvajnaha kštałtu