«Kali budzie Pucin, to biełarusam daviadziecca vajavać za svaju svabodu»
U novym vypusku tok-šou «Žyćcio-malina» ŭkrainski žurnalist Maćviej Hanapolski raskazaŭ, jakim jon bačyć šlach Biełarusi da svabody i jak adrodzicca biełaruskaja mova.
Maćviej Hanapolski ŭ adnym sa svaich raniejšych intervju zaŭvažyŭ: kali biełarusy chočuć svabody, im treba mieć na ŭvazie, što daviadziecca vajavać z Rasijaj. U novym vypusku tok-šou «Žyćcio-malina» jon adznačyŭ, što hetaja jaho dumka nie straciła aktualnaści.
«Kali Pucin budzie, a nie budzie Łukašenki, to daviadziecca vajavać. Tamu što ŭ pucinskaj kanfihuracyi Biełaruś — častka impieryi. Navošta jon musić vas addavać?» — tłumačyć Hanapolski.
Pa słovach žurnalista, kali sychodzić Pucin, to aŭtamatyčna «zakančvajecca Łukašenka».
Razvažajučy pra pierśpiektyvy Biełarusi, Hanapolski zaŭvažyŭ, što kraina moža być druhim Kitajem va ŭschodniaj Jeŭropie, kali brać pad uvahu ciesnyja suviazi pamiž Minskam i Piekinam.
Jak adrodzicca biełaruskaja mova
Na pohlad Hanapolskaha, situacyja ź biełaruskaj movaj źmienicca padobna da taho, jak heta adbyłosia va Ukrainie.
«U vas adbudziecca toje, što adbyłosia ŭ nas. U nas ukrainskaja mova stała modnaj. Doma ty razmaŭlaješ na luboj movie, ale ŭ hramadskich miescach stała modna razmaŭlać pa-ŭkrainsku».
«U vas usie pažyłyja ludzi chodziać u mahazin, havorać na ruskaj movie. Vy navat nie ŭjaŭlajecie, što ŭ vas adbudziecca za hod. U vas za hod stanie modna havaryć pa-biełarusku. Potym u vas vyjdzie zakon, jak vyjšaŭ va Ukrainie, ab movie ŭ hramadskich miescach. Spačatku budzie niezadavolenaść, «nas abmiažoŭvajuć». A potym da hetaha pryzvyčajacca, i heta stanie fan», — pradkazvaje Hanapolski.
Sam žurnalist raskazaŭ, što ŭ hramadskich miescach razmaŭlaje na ŭkrainskaj movie, bo «heta modnaja mova, jana padkreślivaje majo adroźnieńnie ad inšych, ad rasijskich».
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać7
Kamientary
Staŭleńnie da biełaruskaj i rasiejskaj movy vydatna pakazvajuć chto jość chto.