Vučonyja dakazali, što sindrom «raźbitaha serca» — nie vydumka aŭtaraŭ žanočych ramanaŭ.
Vučonyja dakazali, što sindrom «raźbitaha serca» — nie vydumka aŭtaraŭ žanočych ramanaŭ. Heta chvaroba, jakaja moža zdarycca ad mocnaha emacyjnaha ci fizičnaha šoku.
Stres ad straty kachanaha, avaryi ci niečakanaha źjaŭleńnia siabroŭ z krykami «Z dniom narodzinaŭ!», mohuć vyklikać prystup, vielmi padobny da infarktu.
Upieršyniu sindrom «raźbitaha serca» byŭ apisany japonskimi daśledčykami ŭ 1990 hodzie. Jany vykazali zdahadku, što jaho pryčynaj moža być rezki vykid u kroŭ harmonaŭ stresu, takich, jak adrenalin.
Amierykanskija śpiecyjalisty nazirali padobnyja simptomy ŭ 70 pacyjentaŭ u 2004–2008 hadach. Kožnamu piatamu ź ich było treba nieadkładnaje lačeńnie. Va ŭsich pacyjentaŭ byli jarka vyjaŭlenyja simptomy, padobnyja na sardečny prystup, takija jak rezki bol u hrudziach i ciažkaści dychańnia.
Adnak navukoŭcy adznačajuć, što
sindrom «raźbitaha serca» nie niasie śmiarotnaje niebiaśpieki. Amal usie, chto traplaje ŭ adździaleńnie «chutkaj» u krytyčnym stanie z hetaj chvarobaj, vyžyvajuć. Prablema ŭ inšym: redkaje i małavyvučanaje zachvorvańnie ciažka dyjahnastavać. I pakolki chvaroba «maskirujecca» pad infarkt, pacyjenta i lečać adpaviedna. Miž tym, mnohija pracedury zvyčajnaha «paślainfarktnaha» nabora pacyjentam z «raźbitym sercam» nie patrebnyja.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary