U instahramie miemnaha strałka z Alimpijady adšukaŭsia biełaruski śled
Voś jaki dopinh užyvaje turecki spartsmien!
51-hadovy Jusuf Dykieč prasłaviŭsia na Alimpijadzie i staŭ hierojem miemaŭ, kali bieź śpiecyjalizavanaj ekipiroŭki i z takim vyhladam, byccam tolki što adarvaŭsia ad chatnich spraŭ, zavajavaŭ srebra Alimpijady ŭ stralbie ź pnieŭmatyčnaha pistaleta. Upeŭnieny i adnačasova pafihistyčny vobraz strałka staŭ asnovaj dla łaviny miemaŭ ź im.
Turecki spartsmien u adzin momant staŭ zorkaj internetu i ŭsienarodnym ulubioncam. Na jahony instahram padpisałasia ŭžo bolš za 700 tysiač čałaviek.
Siarod fatahrafij z trenirovak pa stralbie i sełfi z zavajavanymi miedalami adšukaŭsia zdymak biełaruskaha šakaładu «Biełaviežskaja pušča» ad staličnaj «Kamunarki», zrobleny ŭ kastryčniku 2023 hoda.
Na žal, Dykieč nijak nie patłumačyŭ svoj dopis, kab było zrazumieła dzie jon nabyŭ łasunak i što jamu spadabałasia ŭ biełaruskim pradukcie: smak horkaha desiertnaha šakaładu z načynkaj ci pryhožaja ŭpakoŭka z vyjavaj vieličnaha zubra. Ale ŭ sacsietkach biełarusy ŭžo pažartavali nakont taho, jaki «dopinh» dazvoliŭ turku zavajavać alimpijski miedal.
«Naša Niva» — bastyjon biełaruščyny
PADTRYMAĆSacsietki vybuchnuli paśla sprečnaha epizodu na adkryćci Alimpijskich hulniaŭ
Francuzskija spartsmieny na alimpijadzie źviartajuć na siabie ŭvahu. Časam pryčyna daloka nie spartyŭnaja
Za hiendarnym skandałam na Alimpijadzie ŭ Paryžy staić Rasija
Turecki strałok prasłaviŭsia na Alimpijadzie i staŭ hierojem miemaŭ
Kamientary