«Niaŭžo my, vierniki Biełarusi, zasłužyli takoje pakarańnie?» Parafija začynienaha Čyrvonaha kaścioła źviarnułasia da Natalli Piatkievič
Kamitet parafii Śviatoha Symona i Śviatoj Aleny (Čyrvony kaścioł) u Minsku 11 lipienia apublikavaŭ adkryty list da niadaŭna pryznačanaj pieršaj namieśnicy kiraŭnika Administracyi Natalli Piatkievič. Jany prosiać čynoŭnicu dapamahčy viarnuć chram.
U liście, napisanym na ruskaj movie, kataliki, raspaviadajuć čynoŭnicy ab situacyi z Čyrvonym kaściołam, jaki začynieny ŭžo amal dva hady «na padstavie ramontu chrama, jaki nie patrabuje jaho i nie paciarpieŭ ad uzharańnia», a adnaŭlenčyja raboty ŭ prybudovie, dzie było ŭzharańnie, da hetaha času nie viaducca:
«My, vierniki, adukavanyja ludzi — usio razumiejem! Ale nam kryŭdna i baluča nazirać, jak u histaryčnym šmatpakutnym Domie Božym niama nabaženstvaŭ, malitvaŭ. Niaŭžo my, vierniki Biełarusi, zasłužyli takoje pakarańnie? Chiba vy čuli kali-niebudź niedružalubnyja vykazvańni ad viernikaŭ na adras dziaržavy?»
Paviedamlajecca, što kaścioł prychodzić u zaniapad, adznačajuć u parafii. Architekturny šedeŭr, vizitoŭka stalicy nie pravietryvajecca ŭvieś hety čas. Tamu adtul čutny pach rečaŭ, jakija psujucca. Na cokalnym paviersie byŭ praryŭ vadapravoda — idzie pach hnili, piša katolik.life.
Akramia taho, absypałasia tynkoŭka na stoli i ścienach, hnijuć firanki, dyvany, psujucca knihi ŭ biblijatecy (kala 60 tysiač), ikony, karciny, nieviadoma ŭ jakim stanie darahi arhan.
***
U kancy vieraśnia hetaha hoda spoŭnicca dva hady, jak kaścioł śviatych Symona i Aleny zakryty ŭładami. Chram adklučany ad kamunikacyj, parafiju prymusili zabrać svaju majomaść.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia20
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary