Jaŭhiena Afnahiela viarnuli z turmy ŭ navapołackuju kałoniju. Ź im užo miesiac niama suviazi
Jon pracuje na ačystcy kabiela.
Palitźniavolenaha aktyvista «Jeŭrapiejskaj Biełarusi», asudžanaha da 7 hadoŭ kałonii, utrymlivajuć za kratami amal 3 hady i 9 miesiacaŭ. Jon adbyvaŭ termin u navapołackaj kałonii № 1, a potym jamu ŭzmacnili režym i pieraviali ŭ mahiloŭskuju turmu № 4, piša «Viasna».
Ciapier stała viadoma, što pa zakančeńni terminu turemnaha režymu Jaŭhiena znoŭ pieraviali ŭ Navapołack. Tam jaho raźmierkavali na pracu pa ačystcy kabiela. Viadoma, što adrazu pazbavili pieradačy i spatkańnia. Akramia hetaha, ad jaho ŭžo miesiac niama ni listoŭ, ni zvankoŭ. Blizkija palitviaźnia miarkujuć, što jaho źmiaścili ŭ ŠIZA.
Nahadajem, za čas u źniavoleńni ŭ Jaŭhiena sapsavaŭsia zrok, tamu ciapier jon vymušany nasić akulary. Za kratami jon šmat čytaje i maluje. Viadoma, što ŭ źniavoleńni na Jaŭhiena akazvajecca cisk z boku administracyi papraŭčych ustanovaŭ.
Kamientary