Biełarus arhanizavaŭ nielehalnuju mihracyju ŭ Polšču jak minimum 2000 čałaviek
Pamiežnaja słužba Polščy paviedamiła pra zatrymańnie ŭ Varšavie hramadzianina Biełarusi, jaki arhanizavaŭ bujny kanał nielehalnaj mihracyi. Złačynnaja hrupa pad jaho kiraŭnictvam pieraviezła ŭ Polšču nie mienš za 2000 čałaviek, piša Reform.news.
«Padčas razboru 30 asobam polskaj, biełaruskaj i ŭkrainskaj nacyjanalnaściaŭ byli vystaŭlenyja abvinavačvańni ŭ dačynieńni da arhanizacyi niezakonnaha pierasiačeńnia miažy Polščy, a čatyrom ź ich sud vynies pastanovu ab časovym aryšcie», — havorycca ŭ paviedamleńni.
Złačynnaja hrupa pad kiravańniem hramadzianina Biełarusi zabiaśpiečvała nielehalnym mihrantam lehalizacyju z dapamohaj padroblenych dakumientaŭ na pracu, a taksama viz, jakija padpadajuć pad prahramu Poland Business Harbour.
Pra dziejnaść hrupy stała viadoma paśla taho, jak supracoŭniki pamiežnaj słužby ŭ Łodzi vyjavili padroblenyja dakumienty ŭ adnaho ź mihrantaŭ. Jon — zhodna z pradjaŭlenym dakumientam — nibyta pavinien byŭ vykanać pracy dla peŭnaj kampanii. Adnak, u chodzie pravierki vyśvietliłasia, što pakazanaja arhanizacyja takoha dakumienta nie vydavała.
Sprava znachodzicca ŭ stadyi raspracoŭki, płanujucca dalejšyja zatrymańni.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary