Ekanomika

Ci šmat hrošaj sioleta zhubili padradčyki, jakija zajmajucca arhanizacyjaj vypusknych? Akazvajecca, nie ŭsio tak kiepska

Paśla źjaŭleńnia zahada Minadukacyi pra toje, jak ciapier varta śviatkavać raźvitańnie sa škołaj, vydańnie «Mocnyja naviny» pasprabavała razabracca, ci šmat zhubiać biznesy, zaniatyja ŭ arhanizacyi śviataŭ. Jak ni kruci, a vypusknyja — asobnaja štohadovaja krynica dachodaŭ. Vyśvietliłasia, što zładzić śviata dla vypusknikoŭ pa novych praviłach nialohka, ale ŭsio nie tak błaha.

Pa słovach viadoŭcaŭ, ź jakimi pahutaryli žurnalisty, usia historyja z vypusknymi pačałasia z adnoj mamy, jakaja paskardziłasia na vialiki biudžet dla śviatkavańnia. Raździmańnie biudžetaŭ stała nahodaj pierahladzieć, z čaho składajecca vypuskny, i ad jakich pasłuh možna admovicca.

U centr uvahi, naprykład, trapili limuziny i saluty. Ale, što cikava, hetyja raskošnyja atrybuty śviataŭ sami pa sabie i tak užo syšli ŭ niabyt i ličacca niečym nie vielmi prystojnym.

«Moža, u stalicy dzieści limuziny jašče zapatrabavanyja, ale ŭ našym horadzie na ich nichto nie jeździć», — dzielicca svaim mierkavańniem adzin z homielskich viadoŭcaŭ.

Taja ž historyja i z salutami.

«Ciapier bolš papularnyja fantany chałodnaha ahniu, a saluty nie prosiać. Śviata zakančvajecca sustrečaj śvitanku, u hety čas toj salut užo nie zapuskajuć. Tym bolš, kab zładzić salut, treba dazvoł i ŭzhadnieńnie, a hetym nie chočacca zajmacca», — kaža hamialčanin.

Pa mierkavańni adnaho staličnaha viadoŭcy, u Minsku hetyja pažyralniki hrošaj taksama ŭžo nie ŭ trendzie. Mašyny dla pafasu daŭno stajać i ržaviejuć.

Što jašče možna dadać da raździmańnia biudžetaŭ, jakoje sami ivent-śpiecyjalisty ličać marnavańniem hrošaj? Naprykład, čyrvonaja darožka ŭ arendu.

Tak, vyhladaje taki dekor nadzvyčaj uračysta i pafasna, ale brać jaho ŭ arendu niavyhadna. Kudy ekanomniej nabyć čyrvonuju tkaninu samastojna, kali mocna chočacca adčuć siabie kinazorkaj.

«A zaaščadžanyja hrošy možna vydatkavać na takija sučasnyja i niebanalnyja zabaŭki dla masavych imprez, jak sełfi-lusterka, šumamiery, kamieru-śpinier na 360 hradusaŭ, interaktyŭnyja knopki i inšyja padobnyja technałahičnyja hadžety», — miarkuje pradstaŭnik homielskaj event-śfiery.

Čarhovy punkt, jaki trapiŭ u katehoryju niepatrebnaj raskošy — dydžej, jon ža hukarežysior. Ale tut usio ž nie tatalnaja zabarona, kali jahonyja pasłuhi ŭmoŭna niedarahija, to možna.

Što doraha, a što nie, samastojna vyrašaje kankretnaja škoła, dzie administracyja składaje biudžet na śviatkavańnie.

Niahledziačy na toje, što, pa mierkavańni Minadukacyi, dla praviadzieńnia vypusknoha dastatkova tvorčaha patencyjału piedahohaŭ, jak pryznajucca apytanyja viadoŭcy, niekatoryja škoły ŭsio ž nie razarvali damovy z prafiesijnymi šoŭmienami i zaprašajuć ich da siabie, kab pravieści śviatkavańnie. Nastojvajuć na takim farmacie i baćki, jakija tak ci inačaj dajuć rady i damaŭlajucca z dyrektarami, kab zrabić vypuskny na vysokim uzroŭni.

Uvohule surazmoŭcy hladziać na situacyju pazityŭna. Tak, chtości z padradčykaŭ sapraŭdy sutyknuŭsia z admienami broni na praviadzieńnie śviata. A chtości vykručvajecca i nie baicca prajści niekalki kołaŭ pravierak, kab dapamahčy škołam zładzić dobry i zapaminalny viečar.

«Šmat upirajecca ŭ atrymańnie hastrolek. Usiaho treba sabrać kala trynaccaci roznych dakumientaŭ z dazvołami. Treba ŭzhadnić i scenar, i płejlist, i zaprošanych artystaŭ. Heta zajmaje šmat času: umoŭna 10 dzion na dazvoł, 10 dzion — na ŭzhadnieńnie, jašče 10 dzion — na damovu arendy», — dzielicca dośviedam adzin ź viadoŭcaŭ.

Jon akurat hetymi dniami daviedajecca, ci dali jamu dabro na praviadzieńnie śviata. Choć u sabie surazmoŭca ŭpeŭnieny, bo ŭvachodzić u rejestr, usio adno sprava hetaja niervovaja.

Pa jaho słovach, praściej zładzić karparatyŭ, dzie niama takoha kantrolu. I tyja event-ahienctvy, što zajmajucca šyrokim śpiektram pasłuh i typaŭ imprez, naŭrad ci šmat zhubiać praź siońniašniuju situacyju z školnymi vypusknymi. A voś nakont tych kampanij, jakija śpiecyjalizujucca vyklučna na vypusknych, jon nie ŭpeŭnieny.

Dakładna nie paradujucca zamovam na vypusknyja restarany i kaviarni. Tut situacyja samaja strohaja. Tam, dzie śviatkujucca vypusknyja, nie pavinna być ałkaholu. Akramia taho, adkaznaść za vučniaŭ u dzień vypusknych niasie škoła. Kali z vypusknikom zdarycca niepryjemnaść, administracyi škoły, dzie jon vučyŭsia, budzie niesałodka.

Z hetaj pryčyny Ministerstva adukacyi dadało ŭ śpis mahčymych dla śviatkavańnia placovak tolki ŭstanovy adukacyi i ŭ vyklučnych vypadkach ustanovy kultury i dadatkovaj adukacyi dziaciej i moładzi.

Kamientary

Ciapier čytajuć

«Tufli — 400 rubloŭ». Vypuskniki dzielacca, u kolki abyšlisia ich vobrazy2

«Tufli — 400 rubloŭ». Vypuskniki dzielacca, u kolki abyšlisia ich vobrazy

Usie naviny →
Usie naviny

Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła10

U Biełarusi na vulicach źjavilisia čyrvonyja kanapy. Voś što heta značyć5

Za palityku asudzili šmatdzietnaha baćku-viernika. Jaho žonka pamierła dva hady tamu8

Irancy ŭciakajuć z bujnych haradoŭ, na darohach zatory — Nietańjachu abiacaje novyja ŭdary4

DAI nazvała, kolki vypusknikoŭ aŭtaškoł zdajuć ź pieršaj sproby i jak źmianiŭsia paradak pryjomu ekzamienaŭ1

Kiroŭca rejsavaha aŭtobusa Minsk-Vilnia sprabavaŭ pravieści 50 błokaŭ cyharet. Jaho zatrymali prosta na miažy1

HUR pravioŭ novuju dyviersiju: abiastočyŭ abjekty rasijskaha VPK u Kalininhradzie2

Jak prajšoŭ vohnienny fiestyval «Śviata Sonca» ŭ Dudutkach ŠMAT FOTA7

Na «Kamunarcy» novy hienieralny dyrektar1

bolš čytanych navin
bolš łajkanych navin

«Tufli — 400 rubloŭ». Vypuskniki dzielacca, u kolki abyšlisia ich vobrazy2

«Tufli — 400 rubloŭ». Vypuskniki dzielacca, u kolki abyšlisia ich vobrazy

Hałoŭnaje
Usie naviny →

Zaŭvaha:

 

 

 

 

Zakryć Paviedamić