Ukrainiec Alaksandr Usik pieramoh Tajsana Fjury ŭ bai za tytuł absalutnaha čempijona śvietu ŭ boksie
Ciapier Usik vałodaje tytułami pa ŭsich čatyroch najbolš prestyžnych viersijach — WBC, WBA, WBO i IBF.
Ukrainski baksior Alaksandr Usik pieramoh brytanca Tajsana Fjury ŭ pajadynku za tytuł absalutnaha čempijona śvietu ŭ boksie ŭ supierciažkaj vazie, piša Bi-bi-si.
Boj išoŭ 12 raŭndaŭ, pieramoha dastałasia Usiku raździelnym rašeńniem sudździaŭ: 115:112, 113:114, 114:113. U dziaviatym raŭndzie ŭkrainiec adpraviŭ supiernika ŭ nakdaŭn, ale toj zmoh praciahnuć boj.
Ciapier Usik vałodaje tytułami pa ŭsich čatyroch najbolš prestyžnych viersijach — WBC, WBA, WBO i IBF.
37-hadovy Usik vyjhraŭ usie svaje bai na prafiesijnym rynhu, a dla 35-hadovaha Fjury heta pieršaje paražeńnie ŭ karjery.
Pamier ich hanararu za boj, pa paviedamleńniach roznych krynic, na dvaich skłaŭ kala 100 młn dalaraŭ.
«Ja liču, što vyjhraŭ hety boj, mahčyma jon vyjhraŭ niekalki raŭndaŭ, ale bolšaść ź ich za mnoj. My abodva praviali dobry pajadynak. Jaho kraina znachodzicca ŭ stanie vajny, tamu ludzi stanoviacca na bok vajujučaj krainy. Na maju dumku, ja vyjhraŭ boj», — prakamientavaŭ Fjury rašeńnie sudździaŭ.
Vusik tut ža pahadziŭsia na revanš.
Paśla pieramohi na rynhu ŭkrainiec źviarnuŭsia da niabožčyka baćki: «Baćka, ty čuješ mianie? My heta zrabili! My heta zrabili! Dziakuj vialiki majoj kamandzie, dziakuj majmu Bohu, Isusu. Vydatny čas, vydatny dzień. Tajsan, bieź ciabie hety boj nie byŭ by mahčymym. Nieadkładny revanš? Tak, viadoma. Ja hatovy da revanšu».
Pajadynak, jaki zaviaršyŭsia ŭ noč na niadzielu ŭ stalicy Saudaŭskaj Aravii Er-Ryjadzie, nieadnarazova pieranosiŭsia. Spačatku jon byŭ pryznačany na śniežań 2023 hoda, ale tady Fjury zapytaŭ čas na adnaŭleńnie paśla inšaha boju. Sustreču pieranieśli na luty, ale boj nie adbyŭsia i tady praz raśsiačeńnie ŭ Fjury na treniroŭcy.
Za matčam u Riyadh's Kingdom Arena nazirali 20 tysiač čałaviek, uklučajučy mnostva znakamitaściaŭ.
Ciapier čytajuć
Maładuju biblijatekarku z Horak asudzili za pratesty3
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary