«Na siońnia situacyja ŭ Charkaŭskaj vobłaści ŭ cełym kantralavanaja, našy vajskoŭcy nanosiać akupantam značnyja straty», — napisaŭ prezident Ukrainy ŭ svaim telehram-kanale.
«Staŭka. Siońnia — u Charkavie. Vysłuchali padrabiaznuju spravazdaču načalnika hałoŭnaha kamiteta [USU] Alaksandra Syrskaha, kamandziraŭ Chorcickaj vajskovaj akademii Juryja Sadola i Michaiła Drapataha. Apieratyŭnaja abstanoŭka, zadačy i patreby kožnaj zadziejničanaj bryhady, kožnaha padraździaleńnia, u pryvatnaści ŭ Charkaŭskaj vobłaści, u rajonach Vaŭčansk i Lipcaŭ. Taksama detalova praanalizavali pierśpiektyvy bajavoj abstanoŭki, pahrozy ŭ najbližejšyja dni i tydni, našy, ukrainskija, mahčymaści supraćstajać nastupalnym płanam Rasii», — napisaŭ prezident Ukrainy.
Na siońnia situacyja ŭ Charkaŭskaj vobłaści ŭ cełym kantralavanaja, kaža Zialenski: «Našy vajskoŭcy nanosiać akupantam značnyja straty. Ale kirunak zastajecca nadzvyčaj składanym — my ŭzmacniajem padraździaleńni».
Pa jaho słovach, kiraŭniki HUR i Słužby źniešniaj raźviedki dałažyli ab namierach akupantaŭ, kiraŭnik SBU — ab kontrdyviersijnych mierach.
«Vyznačany płan dalejšych dziejańniaŭ — jak rehijanalnych uładaŭ Charkaŭskaj vobłaści, tak i ŭsich struktur, adkaznych za biaśpieku ŭ rehijonie», — dadaŭ Zialenski.
Učora Hienštab USU paviedamiŭ, što ŭkrainskija vajskoŭcy pierajšli na bolš «vyhadnyja pazicyi» pad Kupianskam u Charkaŭskaj vobłaści.
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary
Na treci hod vajny navat miažu nie zaminiravali.