Ministr abarony Hiermanii Barys Pistoryus abjaviŭ pra pastaŭku Ukrainie troch reaktyŭnych sistem załpavaha ahniu (RSZA) HIMARS. Pra heta jon skazaŭ padčas vizitu ŭ ZŠA.
«Mahu paćvierdzić, što my ŭ supracoŭnictvie z amierykancami pieradamo Ukrainie try sistemy HIMARS», — skazaŭ niamiecki ministr. Jany pastupiać z zapasaŭ amierykanskich uzbrojenych sił i buduć apłačanyja Bierlinam.
Radyus dziejańnia RSZA HIMARS — da 80 km, adnak u peŭnaj madyfikacyi i pry ŭmovie pastavak adpaviednych bojeprypasaŭ jon moža skłaści i 300-500 km. ZŠA raniej pastavili bolš za 30 takich ustanovak.
U lutym 2024 hoda Ukraina i Hiermanija padpisali pahadnieńnie ab supracoŭnictvie ŭ śfiery biaśpieki i doŭhaterminovaj padtrymcy Kijeva. Prezident Ukrainy Uładzimir Zialenski nazvaŭ padpisanaje pahadnieńnie «biesprecedentnym», jakoje zamacoŭvaje niamieckuju padtrymku dla Ukrainy na ŭzroŭni bolš za siem miljardaŭ jeŭra na hety hod.
U krasaviku ŭłady Hiermanii abviaścili, što pieradaduć Ukrainie jašče adnu sistemu supraćpavietranaj abarony Patriot dla adbićcia rasijskich pavietranych napadaŭ. Heta rašeńnie było pryniata na fonie masiravanych napadaŭ z boku Rasii pa enierhietyčnaj infrastruktury Ukrainy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary