Polskija čynoŭniki mahli pieradać źviestki pra biełarusaŭ u ambasadu Biełarusi. U čym pryčyna?
Centr biełaruskaj salidarnaści ŭ Varšavie učora paviedamiŭ, što polskija dziaržorhany mahli pieradać u Biełaruś źviestki pra biełarusaŭ, jakija atrymali mižnarodnuju abaronu ŭ Polščy. «Miedyjazona» vyśvietliła, što reč, chutčej za ŭsio, u adnoj z administracyjnych pracedur.
Vydańnie źviazałasia ź biełaruskaj Darjaj. Jana pryjechała ŭ Polšču pa humanitarnaj vizie. Dziaŭčynie spatrebiłasia zamianić biełaruskija pravy kiroŭcy na polskija. Supracoŭnica administracyi adpraviła Darju pa daviedku adnosna sapraŭdnaści paśviedčańnia ŭ ambasadu, adnak taja admoviłasia ź mierkavańniaŭ biaśpieki. Tady słužbovaja asoba skazała, što sama adpravić zapyt u Biełaruś.
Adkaz ad DAI nie pryjšoŭ. Dziaŭčyna atrymała polskija pravy biez daviedki. Adnak u zapycie byli jaje asabistyja danyja, u tym liku miesca žycharstva ŭ Polščy i sposab lehalizacyi — pa humanitarnaj vizie.
Jašče adnamu biełarusu ź mižnarodnaj abaronaj u Polščy rabotniki dziaržadministracyi skazali zapytać daviedku ŭ DAI abo ŭ ambasadzie dla zamieny pravoŭ. U hetym vypadku havorka idzie pra niaviedańnie asobnymi rabotnikami zakanadaŭstva. Asobam sa statusam biežanca abo z dadatkovaj abaronaj daviedka ź Biełarusi dla zamieny pravoŭ nie patrebnaja.
Bolš za toje, takim asobam zabaroniena kantaktavać ź biełaruskimi dziaržorhanami ŭ pryncypie: takija kantakty mohuć stać padstavaj dla pazbaŭleńnia mižnarodnaj abarony ŭ Polščy.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary