HDA «Hrodzienski dziciačy chopis» abviaščaje nabor kandydataŭ dla ŭdziełu ŭ adukacyjnych treninhach «Vałancior – čałaviek dobraj voli».
Sustrečy buduć adbyvacca štomiesiac. Data bližejšych sutreč – 25 studzienia, 28 lutaha.
Patrabavańnie da kandydataŭ – maładyja ludzi va ŭzroście da 30 hod, mabilnyja, adkaznyja i jakija majuć dakładnuju matyvacyju dla taho, kab być vałancioram.
Našy zaniatki pabudavanyja pa pryncypie teoryja + praktyka. My raskažam vam pra raźvićcio vałanciorstva ŭ Biełarusi i śviecie, paznajomim ź dziejnaściu chośpisa, navučym kamunikavać pravilna, arhanizujem sustrečy ź cikavymi i inicyjatyŭnymi ludźmi.
U vas jość realnaja mahčymaść dapamahčy tym, kamu heta patrebna nasamreč, stać bolš upeŭnienym u sabie, znajści novych siabroŭ, zavieści patrebnyja kantakty i palepšyć CV.
Rabić dabro – naturalnaja patreba čałavieka. Raźvivacca, samaŭdaskanalvacca i nie stajać na miescy – zadačy prahresiŭnaha čałavieka.
TY CIKAVY DLA NAS!
Dla ŭdziełu ŭ treninhu nieabchodna dasłać ankietu* kandydata, u jakoj pavinny źmiaščacca nastupnyja źviestki:
Proźvišča, imia
Data naradžeńnia
Miesca navučańnia, pracy
Što ty viedaješ pra vałanciorstva? Ci maješ dośvied być vałancioram?
Tvaja matyvacyja – Čamu ty chočaš udzielničać u našych treninhach?
Uvaha! Apošnija ankiety prymajucca za 5 dzion da pačatku novaha sieminara.
Kantakty:
e‑mail: [email protected]
skype: gushtyn
teł. +37529 5881741 (MTS), +37525 9723764 (Life)
Adarja Huštyn, PR‑menedžar HDA «Hrodzienski dziciačy chośpis»
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie26
Kamientary