Žurnalist Źmicier Pankaviec źviarnuŭsia da advakata, kab sudzicca sa svajoj byłoj žonkaj Hannaj Klimovič, jakaja abvinavaciła jaho ŭ chatnim hvałcie. Pra heta jon napisaŭ u svaim fejsbuku
«Razumieju, što zbolšaha ŭsim pofih. Ale paśla ŭčorašniaj chvali litaralna paru słovaŭ pra biahučuju situacyju. Advakat užo čatyry tydni zajmajecca spravaj. Tak što sudu być. Nakont situacyi sa Svabodaj (zvalnieńnie z «Radyjo Svaboda». — NN) nijakich kamientaroŭ na dadzieny momant nie budzie. Chacia paśla suda nie vyklučaju takuju imaviernaść», — napisaŭ jon.
U pačatku sakavika razhareŭsia skandał, źviazany z Pankaŭcom i Klimovič. Dziaŭčyna publična abvinavaciła žurnalista ŭ chatnim hvałcie. Źmicier u svaju čarhu pryznaŭ adzin z faktaŭ (jaki zdaryŭsia ŭ 2018-m), ale adznačyŭ, što šturchnuŭ dziaŭčynu nienaŭmysna, inšyja abvinavačańni admaŭlaŭ.
«Radyjo Svaboda» hetu situacyju nie kamientavała.
Źmicier Pankaviec u žurnalistycy amal 20 hadoŭ. Pracavaŭ u «Našaj Nivie» i «Radyjo Svaboda». Stanaviŭsia łaŭreatam žurnalisckaj premii «Volnaje słova».
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu4
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary