Biznesoŭcu z Maładziečna dali šeść hadoŭ kałonii za danaty Pałku Kalinoŭskaha i «Bajsołu»
U Minskim abłasnym sudzie asudzili 57-hadovaha Alaksandra Vierasoviča, baćku dvaich dziaciej.
Jaho abvinavacili pavodle dvuch artykułaŭ Kryminalnaha kodeksa: 361-2 (finansavańnie dziejnaści ekstremisckaha farmavańnia) i č. 2 art. 361-3 (finansavańnie ŭdziełu na terytoryi zamiežnaj dziaržavy ŭ vajennych dziejańniach). Spravu z 19 sakavika razhladaŭ Uładzimir Areška, piša «Viasna».
Zhodna viersii abvinavačvańnia, Alaksandr Vierasovič pieravodziŭ hrašovyja srodki roznym «ekstremisckim farmavańniam»: z dapamohaj PayPal — na rachunak Pałka imia Kastusia Kalinoŭskaha, a taksama dvuma bankaŭskich pieravodami — Fondu salidarnaści «Bajsoł».
Prakuror zaprasiŭ dla Alaksandra šeść hadoŭ kałonii va ŭmovach uzmocnienaha režymu. Mienavita stolki i pryznačyŭ jamu sudździa Uładzimir Areška.
Viadoma, što Alaksandr maje ŭ Maładziečnie nievialiki biznes. U jaho dvoje dziaciej.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny17
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary