Apošni raz Čačerskuju ratušu adnaŭlali 30 hadoŭ tamu paśla taho, jak u 1974 hodzie ŭ joj zdaryŭsia pažar. Jana była pabudavanaja ŭ XVIII stahodździ na zahad hrafa Zachara Čarnyšova. U architektury vykarystanyja elemienty hotyki i kłasičnaha dojlidstva. Budynak admietny tym, što pieršy i druhi pavierchi jaho kamiennyja, a vyšej iduć draŭlanyja kanstrukcyi.
Da taho, jak za ramont uzialisia śpiecyjalisty z «Homielrestaŭracyi», 25 hadoŭ tut pravodzilisia pracy mietadam tak zvanaj «narodnaj budoŭli», havorycca ŭ siužecie dziaržtelekanała.
«Pryciahvałasia šmat padradnych arhanizacyj, raboty vykonvalisia nie zusim jakasna. Heta i pryviało da taho, što ciapier naša ratuša maje patrebu i ŭ rekanstrukcyi, i ŭ restaŭracyi», — zajaviŭ namieśnik staršyni Čačerskaha rajvykankama Arsienij Cieplakoŭ.
Rašeńnie ab rekanstrukcyi było pryniata ŭ kancy minułaha hoda. U płanach — zamiena ŭsich niebiaśpiečnych kanstrukcyj. Pry hetym rabotniki muzieja nie vyklučajuć, što ratuša adkryje svaje «tajamnicy».
Pa słovach dyrektara Čačerskaha historyka-etnahrafičnaha muzieja Taćciany Hančarovaj, jość infarmacyja, što ad padvalnych pamiaškańniaŭ Ratušy išli try padziemnyja chady, jakija prykładna ŭ 1990-ja byli zamuravanyja ŭ metach biaśpieki.
Zapłanavany termin restaŭracyi — 9 miesiacaŭ.
Ciapier čytajuć
Łukašenka: Raman Pratasievič — daŭni supracoŭnik biełaruskaj raźviedki32
Kamientary