U Dušanbe zajavili, što troje mužčyn z aryjencirovak nie datyčnyja da teraktu
Dvoje ciapier znachodziacca ŭ Tadžykistanie.
Troje hramadzian Tadžykistana, kopii aryjencirovak na jakich raspaŭsiudzilisia ŭ telehram-kanałach paśla teraktu ŭ «Krokus Sici Chole», nie datyčnyja da złačynstva, zajaviła MUS Tadžykistana, piša RBK.
Pa danych viedamstva, Ryvadžydzin Ismonaŭ i Machmadrasuł Nasrydzinaŭ «26 listapada 2023 hoda pryjechali z Rasijskaj Fiederacyi ŭ Respubliku Tadžykistan i znachodziacca pa miescy žycharstva». Viedamstva taksama apublikavała ich fota.
Jašče adzin hramadzianin Tadžykistana, na jakoha raspaŭsiudziłasia aryjenciroŭka, Rustam Nazaraŭ, pracuje kiroŭcam taksi ŭ Samary, paviedamiła MUS.
«U momant ździajśnieńnia terarystyčnaha aktu jon znachodziŭsia ŭ horadzie Samara i nie maje dačynieńnia da złačynstva», — padkreśliła viedamstva.
Pra toje, što ŭ terakcie padazrajuć hramadzian Tadžykistana, pisali telehram-kanały Baza i «Ostorožno, novosti». Jany apublikavali aryjenciroŭki na čaćviarych čałaviek, uklučajučy Ismonava, Nasrydzinava i Nazarava.
Kiraŭnik savieta Dziarždumy pa infarmpalitycy Alaksandr Chinštejn raspavioŭ, što ŭ Branskaj vobłaści zatrymali dvuch padazravanych, a ŭ sałonie aŭtamabila, na jakim jany pierasoŭvalisia, znajšli pašparty Tadžykistana. FSB i Śledčy kamitet paźniej taksama paviedamili pra zatrymańnie čaćviarych mahčymych udzielnikaŭ teraktu. Hramadzianstva zatrymanych viedamstva nie ŭdakładnili.
Što viadoma pra biełarusa Alima Kašavarava, jaki znachodzicca ŭ vielmi ciažkim stanie paśla teraktu
Usie zatrymanyja pa padazreńni ŭ terakcie ŭ «Krokusie» — hramadzianie Rasii
Zatrymany pa spravie teraktu ŭ «Krokus Sici Chole» kaža, što zastreliŭ ludziej za hrošy
Kolkaść zahinułych u vyniku teraktu ŭ «Krokus Sici Chole» moža vyraści da 150 čałaviek
Svajaki šukajuć biełarusa paśla teraktu ŭ «Krokus Sici Chole»
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary