Mininfarm asudziŭ błakiroŭku biełaruskich ŚMI, ale heta nie toje, pra što vy padumali
Ministerstva infarmacyi asudžaje błakavańnie sajtaŭ biełaruskich ŚMI ŭ Łatvii.
«Pryniataje Nacyjanalnaj radaj pa elektronnych ŚMI Łatvii rašeńnie ab zakryćci dostupu da sajtaŭ ont.by biełaruskaha telekanała ANT i sb.by vydavieckaha doma «SB. Biełaruś siehodnia» Mininfarm rasceńvaje jak niedapuščalnyja dziejańni, nakiravanyja na abmiežavańni svabody słova i metanakiravanaje pazbaŭleńnie łatyšskich hramadzian prava na atrymańnie poŭnaj i abjektyŭnaj infarmacyi», — paviedamlaje viedamstva ŭ svaim telehram-kanale.
Rašeńnie ab zabłakavańni na terytoryi Łatvii biełaruskich dziaržaŭnych vydańniaŭ ANT i «SB. Biełaruś siehodnia» pryniała ŭčora Nacyjanalnaja rada pa elektronnych ŚMI.
Razam z sajtami biełaruskich dziaržaŭnych vydańniaŭ łatvijskija ŭłady taksama pryniali rašeńnie zabłakavać na terytoryi krainy niekalki rasijskich sajtaŭ — life.ru, russkie.org, x-true.info, mk-pskov.ru i inšyja.
Ź leta 2020 hoda Ministerstva infarmacyi Biełarusi zabłakavała dziasiatki infarmacyjnych resursaŭ.
Za kratami znachodziacca try z pałovaj dziasiatki žurnalistaŭ, niekatoryja ź ich pryhavoranyja da hihanckich terminaŭ, jak Ihar Łosik (15 hadoŭ), Andrej Alaksandraŭ (14 hadoŭ), Eduard Palčys (13 hadoŭ), Maryna Zołatava (12 hadoŭ).
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary