Novyja razborki: Bałkuniec i kampanija vyjšli z arhkamiteta pa vybarach u Kaardynacyjnuju radu, bo ich prapanovy nie pačuli
Pasiedžańnie arhkamiteta pa vybarach u Kaardynacyjnuju radu treciaha sklikańnia skončyłasia čarhovym skandałam. Troje ŭdzielnikaŭ pakryŭdzilisia na toje, što ich prapanovy nie byli razhledžanyja, a rašeńni sabatavanyja. A tamu jany admovilisia ad udziełu.
Chto hetyja ludzi?
Dźmitryj Bałkuniec — palitołah, blizki da Valeryja Capkały.
Anatol Fiodaraŭ — daŭni aktyvist BNF, letaś stvaryŭ u Varšavie Kaalicyju biełaruskich palityčnych partyj i hramadskich abjadnańniaŭ. Ciapier pradstaŭlajecca ŭdzielnikam hramadska-palityčnaha abjadnańnia «Nacyjanalna-demakratyčnaja płatforma».
Rusłan Chazin — amal 20 hadoŭ adpracavaŭ na «Hrodna Azocie», a z 2012 da 2020 hodzie zarablaŭ na žyćcio elektramantažnikam u Sankt-Pieciarburhu. Paśla pierajezdu z Rasii ŭ Polšču kaardynavaŭ pracu biełaruskich dyjaspar.
U vyniku Fiodaraŭ vystupiŭ z zajavaj, u jakoj padsumavaŭ vyniki ŭdziełu ŭ arhkamitecie. Jon pierakanaŭsia, što praviadzieńnie vybaraŭ u KR šlacham hałasavańnia biełaruskich hramadzian — heta prajekt samazvanych struktur. Zaadno adsačyŭ miechanizm palityčnych manipulacyj, pierakanaŭsia ŭ svajoj «poŭnaj palityčnaj pieravazie nad apanientami», a taksama vyjaviŭ šerah patencyjnych prychilnikaŭ i sajuźnikaŭ dla dalejšych dziejańniaŭ.
«Vidavočna, usio heta i jość palityčnaja praca, a nie tolki dasužyja razmovy», — padsumavaŭ Fiodaraŭ.
Čytajcie taksama:
«Navošta vybary ŭ Kaardynacyjnuju radu? Jaki moža być protaparłamient u protadziaržavie?» — Šrajbman
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon12
Kamientary