U NATA niama nijakich płanaŭ pa raźmiaščeńni vojskaŭ na terytoryi Ukrainy, zajaviŭ Jens Stołtenbierh. Raniej Makron nie vyklučyŭ adpraŭku zachodnich vajskovych sił, piša RBK.
NATA nie płanuje adpraŭlać bajavyja padraździaleńni va Ukrainu, zajaviŭ hienieralny sakratar aljansu Jens Stołtenbierh u razmovie z Associated Press na fonie paviedamleńniaŭ ab tym, niekatoryja krainy razhladajuć mahčymaść uvodu vojskaŭ u zonu kanfliktu.
Jon padkreśliŭ, što sajuźniki pa NATA akazvajuć biesprecedentnuju padtrymku Ukrainie, jakaja pravodzicca z 2014 hoda i stała bolš aktyŭnaj paśla pačatku kanfliktu ŭ 2022 hodzie. «Ale [u nas] niama nijakich płanaŭ pa raźmiaščeńni bajavych padraździaleńniaŭ NATA na miescach va Ukrainie», — zapeŭniŭ Stołtenbierh.
Pa vynikach samitu zachodnich krain u Paryžy, jaki prajšoŭ 26 lutaha, prezident Francyi Emanuel Makron dapuściŭ adpraŭku vojskaŭ zachodnich krain va Ukrainu. «Siońnia niama kansensusu adnosna adpraŭki naziemnych vojskaŭ aficyjnym, mierkavanym i adobranym čynam. Ale ŭ budučyni ničoha vyklučać nielha», — zajaviŭ jon.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»7
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary