Adzin fakt, jaki pakazvaje, što pratakoły na vybarach malavalisia z hałavy
U internecie źjaŭlajucca vyniki hałasavańnia na miascovych vybarach. Nam patrapilisia danyja pa Asipovickim rajonie. Adrazu možna zrazumieć, što hałasy nasamreč nie ličylisia.
Pahladzicie ŭvažliva na susiednija akruhi — Pieršamajskuju №8 i Zavodskuju №9. Kolkaść vybarcaŭ na ich suvymiernaja, jaŭka adroźnivajecca na niekalki pracentaŭ — zdajecca, usio narmalna.
Ale nakolki adroźnivajecca kolkaść sapsavanych biuleteniaŭ! Heta tyja vypadki, kali ludzi kremzali niešta na biuleteni albo stavili adrazu dźvie ptuški ŭ im.
U Pieršamajskaj akruzie napisali, što ich było 37 takich vypadkaŭ. 2,9% sapsavanych biuleteniaŭ — anamalna šmat, ale vyniki mienavita takija. Aproč taho, jašče 4% prahałasavali suprać usich.
Zatoje na susiedniaj Zavodskaj akruzie sapsavanych biuleteniaŭ… nul! Uvohule nivodzin čałaviek nie pamyliŭsia i nie namalavaŭ na arkušach ničoha.
Ci mahčyma takoje, što ŭ susiednich damach na adnoj vulicy žyvuć ludzi, jakija pavodziać siabie nastolki pa-roznamu? Kaniečnie, absalutna niemahčyma.
Zatoje na hetaj Zavodskaj akruzie naličyli ažno 90 hałasoŭ «suprać usich» — bolš, čym na luboj inšaj akruzie Asipovičaŭ.
U hetym i jość usia razhadka. Ahulnaja dola hałasoŭ «suprać usich» i sapsavanych biuleteniaŭ na abiedźviuch akruhach skłała 6,93% i 6,96%.
Całkam imavierna, što staršyni kamisij atrymali ŭkazańnie: pryblizna 7% hałasoŭ nie treba raźmiarkoŭvać pamiž kandydatami. Ale kožny ŭspryniaŭ zahad pa-svojmu.
Čytajcie taksama:
Jak falsifikujucca vybary ŭ Biełarusi. Siem etapaŭ padmanu
Hałasuj nie hałasuj. Spoviedź byłych deputataŭ pra toje, jak Łukašenka pryznačaŭ ich u parłamient
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES26
Kamientary
Vierahodna, uzhadnili hetuju ličbu z Sašaj 93% :))