Amierykanski miljarder choča pravieści Alimpijadu, dzie budzie dazvoleny dopinh
Miljarder Piter Cil źbirajecca arhanizavać Alimpijskija hulni dla spartsmienaŭ, jakija ŭžyvajuć dopinh i steroidy. Pieršyja spabornictvy mohuć adbycca ŭžo ŭ 2025 hodzie, a za miedali majuć zmahacca lohkaatlety, ciažkaatlety, płyŭcy, himnasty i barcy.
Pavodle zadumki Pitera Cila, jaki źjaŭlajecca suzasnavalnikam kampanij PayPal i Palantir, udzielniki hulniaŭ zmohuć adkryta vykarystoŭvać dopinh ciaham turniru.
Sami hulni majuć prachodzić štohod pry padtrymcy kampanii Enhanced Games, jakaja vyvučaje charčovyja i bijałahičnyja dadatki.
Pa słovach doktara Arona D'Suzy, jaki źjaŭlajecca aŭtaram samoj hetaj idei, adnosna praviadzieńnia Steroidnaj alimpijady viaducca pieramovy ź niekalkimi haradami-arhanizatarami, jakija majuć nieabchodnuju infrastrukturu. Jon, adnak, admoviŭsia ŭdakładnić, u jakim miescy projduć spabornictvy, jakija, jak jon čakaje, pačnucca da siaredziny nastupnaha hoda.
Pa słovach pradstaŭnikoŭ arhanizacyi, užo 900 čałaviek padali zajaŭki na ŭdzieł u Steroidnaj alimpijadzie, a ŭdzielničać u joj zmohuć jak byłyja spartsmieny, tak i dziejnyja.
U Enhanced Games ličać, što ludzi majuć prava rabić vybar adnosna svajho cieła, nie zaležać ad spartyŭnych fiederacyj i ŭradaŭ svaich krain. Praŭda, niekatoryja śpiecyjalisty raskrytykavali ideju, nazvaŭšy jaje «niebiaśpiečnaj dla zdaroŭja i sportu».
Adnak Piter Cil nastrojeny rašuča: užo 17 krasavika pavinna prajści prezientacyja prajekta, a letam miljarder naviedaje paryžskuju Alimpijadu, kab sustrecca na joj z kiraŭnikom Mižnarodnaha alimpijskaha kamiteta Tomasam Bacham.
Bahaćcie Cila aceńvajecca ŭ 6,2 młrd dalaraŭ, jon adzin ź niekalkich vienčurnych kapitalistaŭ, jaki padtrymaŭ prajekt. Inšyja inviestary — miljarder Kryścijan Anhiermajier z Apeiron Investment Group i Baładžy Srynivasan, były techničny dyrektar kryptavalutnaj biržy Coinbase.
«Trenier moža spytać: «Čo, schudnieła? Niešta cycki mienšyja stali». Rasijskaja spartsmienka — ab fihurnym katańni
Na Alimpijadu ŭ Paryžy moža patrapić lohkaatletka ź Biełarusi. Ale nieabchodny dazvoł Dudy
Jašče 14 biełaruskich spartoŭcaŭ atrymali niejtralny status. Ale nie śpiašajciesia radavacca
Kidalnicu mołata ź Biełarusi złavili na dopinhu i dyskvalifikavali na dva hady
Kamientary