U Muziei historyi biełaruskaj litaratury raspačałasia vystava, pryśviečanaja Vasilu Bykavu
U červieni spaŭniajecca 100 hadoŭ z dnia naradžeńnia znakamitaha piśmieńnika.
«Tvorčaść Vasila Bykava zaŭsiody pryciahvała ŭvahu amataraŭ litaratury. Ale nie šmat chto viedaje, što suśvietna viadomy litaratar sprabavaŭ siabie i ŭ vyjaŭlenčym mastactvie. Pra hetu staronku jaho tvorčaj bijahrafii pry jaho žycci viedali tolki rodnyja dy blizkija siabry.
Vyiaŭlenčaja spadčyna Vasila Bykava naličvaje sotni adzinak, ale i pa siońnia zastaiecca ŭ poŭnaj miery nie viadomaj i nie papularyzavanaj siarod prychilnikaŭ jaho talentu», — paviedamlajecca na staroncy muzieja.
Na vystavie pradstaŭlena bolš za 70 hrafičnych i žyvapisnych rabot Vasila Bykava. Kožnaja ź ich pa-mastacku, dakładna i jaskrava raspaviadzie pra peŭnuju padzieju ci zdareńnie z žyćcia našaha vybitnaha ziemlaka.
Krajavidy, chatki, padvorki z časoŭ dziacinstva, uspaminy pra vajnu, vypadki z žyćcia, samairaničnyja zamaloŭki, zasvajeńnie aŭtamabilnaj spravy, budaŭnictva dačy ŭ Ždanovičach — šmat kaštoŭnych «abrysaŭ i linij» zafiksavali ałovak i pendzal Vasila Uładzimiraviča.
Akramia taho, uvazie naviedvalnikaŭ buduć pradstaŭleny fotazdymki, knihi, rukapisy, listy, dakumienty, asabistyja rečy, pradmiety adzieńnia i aksiesuary Vasila Bykava z fondaŭ Dziaržaŭnaha muzieja historyi biełaruskaj litaratury.
Ekspazicyjnyja materyjały raskryvajuć nastupnyja temy: «Dziacinstva», «Vajennyja ŭspaminy», «Tvory Bykava ŭ inšych vidach mastactva», «Žyćcio i tvorčaść pad mirnym niebam».
Vystava budzie dziejničać da 5 maja pa adrasie: Minsk, vuł. M.Bahdanoviča, 13. Teł.: +375 (17) 395 44 47.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat8
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary