Kiraŭniku Estonskaj pravasłaŭnaj carkvy MP nie praciahnuli dazvoł na žycharstva
Estonija nie padoŭžyć dazvołu na žycharstva kiraŭniku Estonskaj mitrapolii RPC mitrapalitu Jaŭhieniju, viadomamu jak Valeryj Rašetnikaŭ, bo jon niasie pahrozu biaśpiecy Estonii.
Hramadzianin Rasijskaj Fiederacyi Valeryj Rašetnikaŭ nakiravaŭ u Departamient palicyi i pamiežnaj achovy zajavu ab praciahu dazvołu na žycharstva, jaki Departamient palicyi i pamiežnaj achovy nie padoŭžyŭ. Termin zakančeńnia dziejnaha terminovaha dazvołu na žycharstva minaje 6 lutaha, piša Postimees.ee.
«Dziaržava pryniała rašeńnie admović u pradaŭžeńni dazvołu na žycharstva, bo Rašetnikaŭ u svajoj publičnaj dziejnaści, u tym liku ŭ publičnych vystupach, padtrymlivaje dziejańni ahresara i nie źmianiŭ svaju liniju pavodzin, niahledziačy na papiaredžańni, jakija rabilisia jamu raniej», — rastłumačyŭ kiraŭnik biuro pahraničnaj achovy Pychjaskaj prefiektury Indrek Aru.
U tym liku pradstaŭniki Ministerstva ŭnutranych spraŭ nieadnarazova pravodzili hutarki z Rašetnikavym i patłumačyli jamu, što varta spynić apraŭdańnie vajennych dziejańniaŭ Rasii i kramloŭskaha režymu ŭ publičnaj dziejnaści. Niahledziačy na zroblenyja raniej papiaredžańni, Rašetnikaŭ nie źmianiŭ rytoryku, nieadpaviednuju kaštoŭnaściam i nieadpaviednuju pravavomu polu Estonii. Tamu pryznana, što Rašetnikaŭ niasie pahrozu biaśpiecy dziaržavy.
***
Estonskija pravasłaŭnyja padzielenyja na dźvie častki. Ruskich pa pachodžańni i abjadnoŭvaje samakiravanaja Estonskaja pravasłaŭnaja carkva ŭ jurysdykcyi Maskoŭskaha patryjarchata. Paviedamlałasia, što jana abjadnoŭvaje 37 prychodaŭ (kala 150 tysiač čałaviek), 43 śviataroŭ i 17 dyjakanaŭ.
U 1996 hodzie adnaviłasia Estonskaja apostalskaja pravasłaŭnaja carkva ŭ jurysdykcyi Kanstancinopalskaha patryjarchata. Jana naličvaje kala 27 tysiač čałaviek (pieravažna etničnych estoncaŭ) i 64 duchoŭnych asobaŭ.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon12
Kamientary