U Turcyi zatrymali izrailskaha futbalista. Na matčy jon simvalična vystupiŭ u padtrymku Izraila
Izrailski paŭabaronca futbolnaha kłuba «Antaljaspor» Sahiŭ Jechiezkiel zatrymany pa abvinavačvańni ŭ «publičnym raspalvańni varožaści i nianaviści». Pra heta paviedamiŭ ministr justycyi Turcyi Jyłmaz Tunč.
Ź jahonych słoŭ, 28-hadovaha futbalista zatrymali «z-za jahonych biezadkaznych dziejańniaŭ u padtrymku raźni, učynienaj Izrailem u siektary Haza».
14 studzienia Sahiŭ Jechiezkiel zabiŭ hoł padčas matču «Antaljaspor» — «Trabzanspor», paśla čaho pakazaŭ na paviazku na ruce z nadpisam «100 dzion. 7.10» i vyjavaj zorki Davida (14 studzienia spoŭniłasia 100 dzion z momantu napadu hrupoŭki CHAMAS na Izrail 7 kastryčnika 2023 hoda), piša «Mieduza».
Sagiv Jehezkel, Israeli international for Turkish club Antalyaspor, celebrated his goal by showing the bandage on his arm where it reads; “100th day of October 7.”
He has subsequently been excluded from the squad by the Antalyaspor president. pic.twitter.com/IvVvZLTpxE
U palicyi, jak paviedamlaje izrailskaja hazieta «Jedziot Achranot», Jechiezkiel zajaviŭ, što nie źbiraŭsia nikoha pravakavać, a pakazaŭ žest, bo vystupaje suprać vajny.
Paśla matču kiraŭnictva kłuba «Antaljaspor» abviaściła, što vyklučyła Jechiezkiela sa składu kamandy i vyrašyła skasavać ź im kantrakt. U kłubie abvinavacili spartoŭca ŭ tym, što jon vystupiŭ «suprać nacyjanalnych kaštoŭnaściaŭ» Turcyi.
Były premjer-ministr Izraila Naftali Bieniet publična asudziŭ dziejańni Turcyi: «Heta Turcyja 2024 hoda. Hańba tabie, turecki ŭrad».
Ułady Izraila robiać zachady, kab damahčysia vyzvaleńnia Jechiezkiela, paviedamlaje The Times of Israel, nie ŭdakładniajučy padrabiaznaści.
Kamientary
Nu,kali Turcyja faktyčna ŭchvaliła ataku na Izrail, a ŭ historyi hienacyd armianaŭ i hrekaŭ (jakija jana za hienacyd nie znaje), dyk faktyčna tak i jość