Z ChatGPT aficyjna źniali abmiežavańnie na prymianieńnie ŭ vajskovych metach
Kampanija OpenAI biez papiaredžańnia vypuściła novaje abnaŭleńnie praviłaŭ karystańnia ChatGPT, jakoje dazvalaje vykarystoŭvać niejrasietku ŭ vajskovaj śfiery. Što heta aznačaje na praktycy?
Z novaj palityki praviłaŭ karystańnia niejrasietkaj ChatGPT całkam źnik punkt pra poŭnuju zabaronu vykarystańnia ŭ vajskovych metach. Heta zaŭvažyła vydańnie Business Insider, jakoje adrazu ž pasrabavała atrymać kamientar ad kampanii OpenAI, raspracoŭščyka ChatGPT.
Źnikły punkt byŭ takim: «Zabaraniajecca vykarystoŭvać madel u dziejnaści, jakaja niasie vysokuju ryzyku pryčynieńnia fizičnaj škody, uklučajučy:
- raspracoŭku zbroi;
- słužbu va Uzbrojenych siłach i viadzieńnie bajavych dziejańniaŭ;
- kiravańnie abo ekspłuatacyju krytyčna važnaj infrastruktury ŭ halinie enierhietyki, transpartu i vodazabieśpiačeńnia;
- stvareńnie kantentu, jaki prapahanduje, zaachvočvaje abo pakazvaje akty členaškodnictva, takija jak samahubstva, parezy i razład charčovych pavodzinaŭ».
U OpenAI adkazali Business Insider, što ŭ novych praviłach zastajucca punkty pra «zabaronu pryčyniać škodu inšamu i raspracoŭvać zbroju», adnak, pa słovach pradstaŭnika kampanii, «isnujuć prykłady pytańniaŭ nacyjanalnaj biaśpieki, rašeńnie jakich adpaviadajuć misii OpenAI, što zbolšaha i pryviało da źmienaŭ u praviłach karystańnia ChatGPT».
Rola niejrasietki abmiažujecca, naprykład, «stvareńniem novych instrumientaŭ kibierbiaśpieki dla abarony prahramnaha zabieśpiačeńnia, ad jakoha zaležać krytyčna važnaja infrastruktura i pramysłovaść», adznačyli ŭ OpenAI.
U toj ža čas ekśpierty ŭ śfiery štučnaha inteletku zajavili Business Insider, što novyja farmuloŭki ŭ śpisie praviłaŭ karystańnia niejrasietkaj zanadta abahulnienyja i raspłyvistyja, što dazvolić abychodzić zabaronu navat na stvareńnie zbroi, kali heta adpaviadaje «zakonnym intaresam» dziaržavy.
«Niasie pahrozu dla ŭsiaho čałaviectva». Vyśvietlilisia padrabiaznaści hučnaha zvalnieńnia Altmana z OpenAI
ChatGPT ciapier zdolny razmaŭlać z kožnym čałaviekam. Nakolki dobra niejrasietka havoryć na biełaruskaj?
Jakim stanie śviet, kali kožny atrymaje bazavy dachod, a rucinnuju pracu budzie vykonvać štučny intelekt? Adkazy šukaje film «Paśla pracy»
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary