U Minsku dziesiacikłaśnica ździejśniła suicyd. Pierad hetym jana razdała svaje rečy znajomym
U Minsku skončyła žyćcio samahubstvam dziesiacikłaśnica. Chutčej za ŭsio, heta było nie spantannaje rašeńnie — dziaŭčynka rychtavałasia da taho, kab ździejśnić suicyd.
Trahiedyja adbyłasia ŭviečary 9 studzienia. Dziaŭčynie było 15 hadoŭ, jana vučyłasia ŭ staličnaj škole № 61. U toj dzień jana pryjšła ŭ škołu tolki na pieršy ŭrok. Znajomyja dziaŭčyny zhadvajuć, što raniej jana kazała, što dumaje pra suicyd. Ale potym pieraviała ŭsio ŭ žart i pierakanała siabroŭ, što nasamreč dumak pra śmierć u jaje niama.
Uviečary 9 studzienia školnica skočyła z 19-ha paviercha. Pobač ź miestam trahiedyi apynulisia inšyja školniki, jakija pačali zapisvać žartaŭlivyja videa na fonie cieła na asfalcie. Potym žudasnyja kadry raźlacielisia pa šmatlikich čatach. Milicyja ŭžo znajšła tych, chto zrabiŭ i staŭ raspaŭsiudžvać videa.
Viadoma, što ŭ ruce zahinułaj była pieradśmiarotnaja zapiska. Pierad trahiedyjaj dziesiacikłaśnica pačała razdavać darahija jaje sercu rečy adnahodkam. Jana taksama pierasłała siabram usie fatahrafii sa svajho telefona, rastłumačyŭšy heta prosta: «Tak treba».
Znajomyja kažuć, što ŭ dziaŭčyny nie było nijakich prablem u škole. Niaščasnaje kachańnie jak mahčymuju pryčynu syści z žyćcia taksama abviarhajuć.
Nahadajem, što ŭ Biełarusi pracuje respublikanskaja telefonnaja «haračaja linija» pa akazańni psichałahičnaj dapamohi niepaŭnaletnim, jakija trapili ŭ kryzisnuju situacyju: telefon 8 801 100 16 11. U Minsku «telefon davieru» dla darosłych 8 017 352 44 44, 8 017 304 43 70; dla dziaciej i padletkaŭ 8 017 263 03 03. Telefanavać možna kruhłasutačna.
Ciapier čytajuć
Łukašenka patłumačyŭ, čamu jaho nie vidać pa sieradach i subotach2
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary