Viarchoŭny sud razhladaje kasacyjnuju skarhu na pastanovu Ekanamičnaha suda Minska pavodle pazovu da jurydyčnaj asoby byłoha biełaruskaha adhalinavańnia sietki «Makdonaldsa», piša «Sputnik».
Vosieńniu minułaha hoda Dziaržkammajomaść padała pazoŭ da «KSB Viktoryi restarany». Mienavita hetaja kampanija kiravała ŭ Biełarusi ŭstanovami «Makdonalds».
Pazoŭ razhladaŭsia ŭ Ekanamičnym sudzie Minska.
Rašeńnie pa im było pryniata 10 kastryčnika 2023 hoda. U banku sudovych rašeńniaŭ jość tolki numar hetaj spravy, a tekstavy fajł, dzie pavinna być rezalutyŭnaja častka (skaročany varyjant rašeńnia), źmiaščaje tolki try kropki.
Jak rastłumačyli ŭ Ekanamičnym sudzie Minska, rašeńnie nie apublikavana, bo sud išoŭ u zakrytym režymie. Kasacyja pa spravie taksama słuchajecca ŭ Viarchoŭnym sudzie ŭ zakrytym režymie.
Raniej paviedamlałasia, što ŭładalnikam «KSB Viktoryi» byŭ kazachstanski biźniesmien Kajrat Baranbajeŭ. Paśla taho, jak prajekt syšoŭ z rasijskaha rynku, ustanovy Baranbajeva i inšyja kafe hetaj mižnarodnaj sietki ŭ Rasii byŭ pradadzienyja pradprymalniku Alaksandru Hovaru z Novakuźniecka (Zachodniaja Sibir). Paśla hetaha ŭ Rasii byłaja sietka Mcdonald's pačała pracavać pad šyldaj «Vkusno — i točka».
Hety brend pavodle damovy franšyzy pavinien byŭ pierajści i da byłych «makaŭskich» ustanoŭ u Biełarusi, ale ŭhoda nie adbyłasia. Ustanovy stali pracavać pad ułasnym biełaruskim brendam Mak.by.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary