Leninski RAUS Hrodna pravieryŭ akaŭnt z tartami, u jakich infakazačka bačyła «prapahandu ŁHBT», ale nijakaha pravaparušeńnia nie vyjaviŭ.
Na vyniki razhladu svajho danosu Volha Bondarava paskardziłasia va ŭłasnym telehram-kanale. Pra heta raspaviadaje vydańnie Hrodna.life.
«Voś i ciapier namieśnik načalnika AUS U. S. Vierbal čakana nie ździviŭ adpiskaj ab tym, jak u AUS administracyi Leninskaha rajona h. Hrodna «nie vyjaŭlena» faktaŭ pravaparušeńnia, jakoje adnosicca da kampietencyi AUS, u vyrabach, što realizujucca piraženščycaj Kraśko A. Ł. 1995 h. n. MARH, značyć, vyjaviŭ, a AUS niama. Tak i zapišam: kudy Ministerstvu da cełaha rajadździeła abłcentra?» — pakryŭdziłasia infakazačka.
Kandytarka rabiła tarty ŭ vyhladzie mužčynskaha pienisa i žartoŭnyja vyjavy aholenych ludziej stałaha ŭzrostu na torcie. Volha Bondarava napisała skarhu ŭ prakuraturu. Ale bolš za ŭsio Bondaravu aburyła najaŭnaść viasiołki i adnaroha na dziciačym torcie. Jana pierakananaja, što heta — «prapahanda ŁHBT».
28-hadovaja kandytarka z Hrodna, jakaja viała staronku «sladkiy_grodno», była vymušana vydalić niekatoryja dopisy paśla napadak prarasijskaj aktyvistki.
U Ministerstvie antymanapolnaha rehulavańnia i handlu paśla zvarotaŭ Bondaravaj pryjšli da vysnovy, što takija tarty — heta nieetyčnaja internet-rekłama.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary
Hrodnienskij obłastnoj kliničieskij cientr «Psichiatrija-narkołohija» po niej płačiet