U Rasii zatrymali byłych top-mieniedžaraŭ piŭnoj kampanii «Bałtyka», u spravie jość biełaruski śled
Na minułym tydni ŭ Rasii byli zatrymanyja, a potym aryštavanyja byłyja top-mieniedžary «Bałtyki» Dzianis Šarścieńnikaŭ i Anton Rahačeŭski. Im pradjaŭlena abvinavačvańnie ŭ machlarstvie ŭ asabliva bujnym pamiery. Pryčynaj stała padazreńnie ŭ pieradačy zamiežnym kampanijam, źviazanym z Carlsberg, pravoŭ na piŭnyja brendy. Adna z hetych kampanij zarehistravanaja ŭ Biełarusi, zaŭvažyła Office Life.
Viersiju śledstva pa hetaj spravie vykłaŭ Forbes. U pryvatnaści, skazana, što fihuranty i nieŭstanoŭlenyja saŭdzielniki «šlacham padmanu nabyli na karyść kampanij «Karłśbierh Kazachstan» i «Vista BiUaj Ko» prava intelektualnaj ułasnaści, jakoje naležyć TAA «PK «Bałtyka». Heta prava davała «Bałtycy» mahčymaści ekspartavać pradukcyju ŭ niekatoryja krainy SND. Termin dziejańnia prava — da 2042 hoda. Hetym, pa viersii śledstva, fihuranty nanieśli škodu jak pivavarnaj kampanii «Bałtyka», tak i Rasijskaj Fiederacyi.
Adna z nazvanych firmaŭ, «Vista BiUaj Ko», zarehistravanaja ŭ Minsku, jaje śfieraj dziejnaści značycca «arenda i lizinh praduktaŭ intelektualnaj ułasnaści i anałahičnych praduktaŭ, akramia abjektaŭ aŭtarskaha prava».
Jak pisaŭ «Kommiersant'», kampanija «Bałtyka» jašče ŭ kastryčniku padała pazoŭ da «Vista BiUaj Ko», a taksama da niekatorych inšych, źviazanych z Carlsberg Group kampanij. U pryvatnaści, u pazovie da biełaruskaj kampanii «Bałtyka» patrabuje pryznać niesapraŭdnym licenzijny dahavor. Krynicy vydańnia adznačajuć, što pieradača pravoŭ inšym kampanijam mahła być źviazanaja jak z padrychtoŭkaj da prodažu rasijskaha biznesu Carlsberg, tak i sa sprobaj zachavać častku brendaŭ da lepšych časoŭ.
Zhodna z materyjałami z sajta arbitražnaha suda, razhlad spravy pavinien byŭ adbycca 17 listapada ŭ Sankt-Pieciarburhu, adnak sudovaje raźbiralnictva adkłali, nastupnaje pasiadžeńnie pryznačanaje na 15 śniežnia 2023 hoda.
Vydańnie «Fontanka» taksama źviarnuła ŭvahu, što adzin ź fihurantaŭ spravy ab piŭnych brendach — Dzianis Šarścieńnikaŭ — niekatory čas pracavaŭ u Biełarusi. Z 2013 pa 2017 hod jon uznačalvaŭ pivavarnuju kampaniju «Alivaryja».
Jak skazana na sajcie kampanii, «u hety pieryjad biznes pašyryŭsia: było atrymana prava pradstaŭlać pradukcyju kampanij Carlsberg Group u Biełarusi». Pa prodažach kampanija zaniała bolš za čverć rynku, a ŭ jaje partfieli źjavilisia ŭ tym liku brendy Carlsberg, Tuborg, Holsten, Zatecky Gus, «Bałtyka» i inš.
Kamientary