Uklučeńnie ŭ vieraśni ŭ śpis JUNIESKA łatvijskaj Kułdyhi i madernisckaj spadčyny litoŭskaha Koŭna, vidać, padšturchnuła biełaruskich čynoŭnikaŭ zadumacca pra pierśpiektyvy Kałožskaj carkvy i kultavaha abarončaha dojlidstva na Biełarusi, jakija ŭžo dva dziesiacihodździ znachodziacca ŭ papiarednim śpisie.
Aficyjny partał Biełaruskaj Pravasłaŭnaj Carkvy paviedamiŭ, što 20 kastryčnika 2023 hoda ŭ Ministerstvie kultury Biełarusi adbyłosia pasiadžeńnie mižviedamasnaj rabočaj hrupy pa padrychtoŭcy naminacyjnych daśje dla padačy zajavak u Śpis suśvietnaj spadčyny JUNIESKA — «Kałožskaja (Barysahlebskaja) carkva ŭ h. Hrodna jak prykład hrodzienskaj architekturaj škoły» i «Kultavyja zbudavańni abarončaha typu ŭ v. Muravanka, u v. Synkavičy i ah. Kamai».
U pasiadžeńni pryniali ŭdzieł supracoŭniki Minkultury i Hrodzienskaha abłvykankama, a taksama nastajacieli pieraličanych chramaŭ.
U chodzie pasiadžeńnia abmiarkoŭvałasia vykanańnie zakazčykami dziaržaŭnaj prahramy «Kultura Biełarusi» na 2021-2025 hady metavaha pakazčyka pa ŭklučeńni novych abjektaŭ spadčyny ŭ JUNIESKA, a taksama vypracavali terminy padačy nastajacielami chramaŭ materyjałaŭ dla naminacyjnaj dakumientacyi.
Raniej naminacyja «Kultavyja zbudavańni abarončaha typu» była transnacyjanalnaj i akramia abjektaŭ u Biełarusi uklučała anałahičnyja abjekty, pabudavanyja ŭ styli «biełaruskaj hotyki» ŭ Litvie i Polščy. Ličycca, što takija naminacyi majuć bolš šansaŭ być pryznanymi Suśvietnaj spadčynaj, čym naminacyi asobnych krain. Ale ciapier z nazvy naminacyi susiedzi Biełarusi źnikli, vidać, praz toje, što režymam Łukašenki hetyja krainy ličacca varožymi.
Siońnia ŭ papiaredni śpis Suśvietnaj spadčyny JUNIESKA ŭ Biełarusi ŭniesieny Aŭhustoŭski kanał, Spasa-Praabraženskaja carkva i Safijski sabor u Połacku, Barysahlebskaja (Kałožskaja) carkva ŭ Hrodnie, kultavyja zbudavańni abarončaha typu, draŭlanyja cerkvy Paleśsia, a taksama ansambl praśpiekta Niezaležnaści ŭ Minsku.
Usie jany dadadzieny ŭ papiaredni śpis jašče ŭ 2004 hodzie, i z taho času, a minuła ŭžo amal 20 hadoŭ, nie zroblena aničoha ŭ kirunku pryznańnia ich suśvietnaj spadčynaj. Za hety čas, naprykład, mnohija draŭlanyja cerkvy Paleśsia, poŭny pieralik jakich čamuści nikoli nie nazyvaŭsia, byli pierabudavany z vykarystańniem sajdynhu i nitryd-tytanu na dachach.
«Naša Niva» — bastyjon biełaruščyny
PADTRYMAĆU śpis Suśvietnaj spadčyny JUNIESKA ŭklučyli łatvijskuju Kułdyhu. Heta daje nadzieju biełaruskim haradam
Architekturnyja tvory aŭtara bieła-čyrvonaha-biełaha ściaha pryznanyja Suśvietnaj spadčynaj JUNIESKA
Nazvanyja najlepšyja architekturnyja pracy Biełarusi apošnich hadoŭ ŠMAT FOTA
Pieršy etap restaŭracyi abarončaha chrama ŭ Muravancy amal skončany. Dalej voźmucca za hatyčnyja interjery
Kamientary