«Zmahacca, nie pakładać ruk». Palina Šarenda-Panasiuk skarystała apošniaje słova, kab źviarnucca da ludziej
Hetuju mamu dvaich dziaciej asudzili jašče na adzin hod i try dni kałonii.
Siońnia praciahnuŭsia sud nad palitźniavolenaj Palinaj Šarendaj-Panasiuk. Pa infarmacyi bresckich pravaabaroncaŭ, prakuror zaprasiŭ hod źniavoleńnia dla žančyny, to-bok maksimum, jaki praduhledžvajecca (č. 1 art. 411 KK). Sudździa Stanisłaŭ Ivaniucienka pakaraŭ faktyčna takim terminam: hod i try dni kałonii.
Palina, jakuju zatrymali 3 studzienia 2021 hoda, miełasia vyjści na volu minułym letam, ale jaje asudzili jašče da 1 hoda kałonii. U krasaviku suprać žančyny zaviali ŭžo novuju spravu — znoŭ za «złosnaje niepadparadkavańnie administracyi kałonii».
Na voli jaje čakajuć muž Andrej i dvoje małych dziaciej.
U apošnim słovie Palina Šarenda-Panasiuk paraŭnała padziei 2020 hoda ŭ Biełarusi z paŭstańniem Kastusia Kalinoŭskaha. Pavodle palitźniavolenaj, ludzi, jakija achviarujuć saboj dziela niezaležnaści i demakratyi, «buduć nazvanyja ŭ novaj Biełarusi hierojami», a tych, chto ich ciapier katuje, čakaje sud.
«Biełaruś abaviazkova budzie volnaj, ale dziela hetaha treba zmahacca, nie pakładać ruk», — skazała z łavy padsudnych Palina Šarenda-Panasiuk.
Palina Šarenda-Panasiuk na sudzie zajaviła pra źbivańni i cisk u kałonii
«Psichałahična Palina trymajecca, ale fizična jaje arhanizm vielmi asłableny» — zvarot Andreja Šarendy da arhanizacyj i nieabyjakavych ludziej
«Miech pabitych jabłyk ad nieviadomaha «dobrazyčliŭca». Stała viadoma, čamu nie dachodziać pieradačy da Paliny Šarendy-Panasiuk
U Rečycy pačynajecca sud nad Palinaj Šarendaj-Panasiuk. Jaje źbirajucca treci raz pakinuć za kratami
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary