Z Hrodzienskaha sabora źnikli dva abrazy z navamučanikami, jakija paciarpieli ad balšavickaha teroru — Chryścijanskaja vizija
Z Pakroŭskaha kafiedralnaha sabora ŭ Hrodnie źnikli abrazy novapakutnikaŭ. Na ich — śviatyja, jakija paciarpieli ŭ XX stahodździ ad balšavickaha režymu, a taksama ich katy — čyrvonaarmiejcy i čekisty, piša «Chryścijanskaja vizija».
Vosiem takich abrazoŭ raźmiaścili ŭ 2006 hodzie ŭ centralnym niefie.
Hrodzienskija abrazy razdražniali miascovuju ŭładu i aktyvistaŭ, samaj hučnaj ź jakich stała «infakazačka» Volha Bondarava. Ad arcybiskupa Arciemija (Kiščanki) patrabavali ikony źniać — jon hetyja patrabavańni ihnaravaŭ. Adstajać ikony dla jaho značyła adstajać niezaležnaść Carkvy, piša telehram-kanał.
Ciapier z Hrodna dachodziać źviestki, što dva z vaśmi abrazoŭ źnikli. Heta vyjavy śviaščennamučanikaŭ Uładzimira, mitrapalita Kijeŭskaha (zakatavany ŭ 1918-m) i Vienijamina, mitrapalita Pietrahradskaha (rasstralany ŭ 1922-m).
Aficyjna ŭ Hrodzienskaj jeparchii źniknieńnie abrazoŭ nie kamientavali.
Kali vy viedajecie na hetuju temu bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary