U Homieli šukajuć traich mužčyn. Padobna, što heta źviazana z vybuchami pad Minskam
Paviedamleńni ab pošuku troch mužčyn z ranicy 6 kastryčnika dasłali ŭ pracoŭny čat supracoŭnikaŭ aŭtaparka № 1, raskazaŭ adzin z čytačoŭ vydańnia «Lusterka». Uviečary hetyja ž fatahrafii źjavilisia ŭ telehram-kanale «Homielskaha adździaleńnia Biełaruskaj čyhunki».
U čat supracoŭnikaŭ aŭtaparka fatahrafii mužčyn dasłali z podpisam: «Vyśviatlajecca miescaznachodžańnie paznačanych asob» i z prośbaj telefanavać na numar 112. Ź jakoj metaj mužčyn šukajuć, supracoŭnikam aŭtaparka nie patłumačyli.
«U minuły raz, paśla vybuchu samalota [u Mačuliščach], było toje ž samaje», — dadaŭ čytač.
U 17.15 heta ž abjava źjaviłasia ŭ telehram-kanale «Homielskaha adździaleńnia Biełaruskaj čyhunki». Aŭtary prosiać tych, chto raptam ubačyć hetych ludziej, «nieadkładna źviazacca pa telefonie 102 abo paviedamić namieśniku načalnika adździaleńnia čyhunki Prusu Michaiłu Juljeviču».
Telehram-kanał «MatolkaPamažy» sa spasyłkaj na svaje krynicy piša, što «z samaj ranicy abvieščanyja ŭ vyšuk pa ŭsioj krainie niekalki mužčyn, jakija mohuć być datyčnyja da vybuchu na stancyi Aziaryšča». Taksama paćviardžaje heta i pradstaŭnik Bypol Alaksandr Azaraŭ.
Belpol sa spasyłkaj na krynicy ŭnutry krainy paviedamlaje, što siońnia ŭnačy siłaviki buduć uzmocniena achoŭvać čyhunku. Pa słovach pradstaŭnika arhanizacyi Maćvieja Kuprejčyka, supracoŭniki milicyi ŭsich padraździaleńniaŭ vychodziać dziažuryć z aŭtamatami.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary