Cukierki ad Mikałaja Łukašenki pa kitajskim recepcie buduć pastaŭlać u škoły: «U adnym pakunačku — šklanka małaka»
Kandytarskaja fabryka «Kamunarka» płanuje pačać pastaŭku draže z suchoha małaka kambinatam školnaha charčavańnia. Ab hetym zajaviŭ hienieralny dyrektar pradpryjemstva Siarhiej Aniuchoŭski ŭ intervju BIEŁTA.
«Na daručeńnie kiraŭnika dziaržavy my ŭzialisia za prajekt pa vytvorčaści cukierak z suchoha małaka. U peŭnaj stupieni my hladzim na dośvied kitajskich vytvorcaŭ. Tam hety pradukt šyroka pradstaŭleny na rynku, — skazaŭ Siarhiej Aniuchoŭski. — Tamu zakazvajem abstalavańnie i pracujem nad cukierkaj».
Draže z suchoha małaka ŭžo možna ŭbačyć u firmiennych mahazinach «Kamunarki». Nieŭzabavie imi pačnuć častavać školnikaŭ.
«U najbližejšy čas pačniem pastaŭlać fasavanaje pa 50 hram małočnaje draže kambinatam školnaha charčavańnia — heta tyja samyja cukierki z vysokim utrymańniem suchoha małaka (amal 40 pracentaŭ ad naminalnaj vahi cukierki)», — raskazaŭ hienieralny dyrektar fabryki.
Jak śćviardžaje namieśnik načalnika adździeła markietynhu i rekłamy fabryki «Kamunarka» Iryna Macyhud, u Kitai pakaleńnie dziaciej užo vychavana na tableciravanych cukierkach z suchoha małaka. Ich užyvajuć u jakaści pierakusu.
«My taksama padrychtavali ŭzory i ŭ chutkim budučym budziem pracavać u hetym napramku. Akramia taho, zjeździŭšy ŭ Kitaj, my znajšli novy pradukt — heta naša draže «Dziciačyja historyi», jakija zusim niadaŭna zjavilisia na palicach našych kram. Draže vyrablajecca na płoščach fabryki «Čyrvony charčavik». Jano zroblena sumiesna z Navukova-praktyčnym centram pa charčavańni.
Draže zusim nie sałodkaje. U adnym pakiecie (50 hram) źmiaščajecca adna šklanka małaka, što vielmi kłasna, — źviarnuła ŭvahu Iryna Macyhud. — Dla tabletak patrebna novaja linija, a draže my možam vypuskać užo zaraz. Tamu my chutka sabralisia i zrabili dobry pradukt».
Zrabić cukierki, anałahičnyja kitajskim, patrabavaŭ Łukašenka ŭ lipieni. «Mikałaj pryvioz mnie ich z Kitaja, ja pakaštavaŭ sam. Viadoma, heta nie dla mianie. Ale dzieci, maleńkija dzieci z najvialikšym zadavalnieńniem jaduć hety łasunak. Čamu my nie možam rabić heta i pradavać? I, hałoŭnaje, svaich ludziej zabiaśpiečyć», — skazaŭ jon.
Čynoŭniki chutka adreahavali na daručeńnie i nieŭzabavie vypuścili probnuju partyju.
Ciapier čytajuć
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym8
Kamientary