Paśla pajezdki na zarobki ŭ Maryupal žychar Homiela patrapiŭ u turmu
Siłaviki znajšli ŭ homielca adzin patron da ahniastrelnaj zbroi, jaki byŭ pryviezieny z ukrainskaha Maryupala. «Fłahštok» raskazaŭ, što viadoma pra hetu kryminalnuju spravu.
Supracoŭniki HUBAZiK praviali pieratrus u kvatery raniej sudzimaha za zabojstva žychara Homiela Siarhieja Drožžy. U kvatery byŭ znojdzieny adzin bojeprypas da aŭtamata Kałašnikava.
Pavodle źviestak śledstva, aŭtamatny patron byŭ uviezieny ŭ Biełaruś u 2022 hodzie paśla «zarobkaŭ u Maryupali». Mužčynu pradjaŭlena abvinavačvańnie ŭ zachoŭvańni bojeprypasu, pravozie jaho praź dziaržaŭnuju miažu, i jon byŭ źmieščany ŭ SIZA.
Maksimalnaje pakarańnie, jakoje pahražaje homielcu, — 7 hadoŭ pazbaŭleńnia voli.
Pa jakoj pryčynie supracoŭniki HUBAZiK pravodzili pieratrus u kvatery hamialčanina praz taki praciahły pieryjad paśla viartańnia z Maryupala, nie paviedamlajecca.
Ciapier u Homielskaj vobłaści prachodzić razhlad tolki adnoj kryminalnaj spravy pavodle adpaviednych artykułaŭ.
Da hetaha ŭ traŭni 2023 hoda ŭ Dobrušskim rajonie z ahniastrelnaj zbrojaj i bojeprypasami byli zatrymanyja dvoje rasijan. Niahledziačy na toje, što mužčyny niezakonna pierasiekli miažu sa zbrojaj, sud pakaraŭ ich tolki niekalkimi miesiacami aryštu.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary