Minčuka, jakoha ŭ 2020-m «adbili» na pikiecie pa zbory podpisaŭ, sudziać pa kryminalnych artykułach
U Minskim haradskim sudzie 4 vieraśnia raspačaŭsia sud nad 36-hadovym Jaŭhienam Hormašam. Heta toj samy minčuk, jakoha ludzi «adbili» ad zatrymańnia na pikiecie pa zboru podpisaŭ 31 maja 2020 hoda paśla taho, jak kryknuŭ supracoŭnikam DAI «Hańba!». Ciapier Jaŭhiena sudziać u miežach kryminalnaj spravy za «ŭdzieł u dziejańniach, jakija hruba parušajuć hramadski paradak», «udzieł u ekstremisckim farmavańni», «abrazu Łukašenki». Spravu razhladaje Luboŭ Simachina, piša «Viasna».
31 maja 2020 hoda padčas zboru podpisaŭ za vyłučeńnie kandydatkaj u prezidenty Śviatłany Cichanoŭskaj kala Kamaroŭki ŭ stalicy sabrałasia vializnaja čarha. Kiroŭcy aŭtamabilaŭ, jakija prajazdžali tam, padtrymlivali sihnałami hetych ludziej.
Supracoŭniki DAI spyniali mašyny i štrafavali kiroŭcaŭ. Hormaš aburyŭsia takimi ich dziejańniami i kryknuŭ «Hańba!». Dvoje daišnikaŭ pasprabavali jaho zatrymać, ale niekalki žančyn maładoha čałavieka «adbili».
Paźniej vyśvietliłasia, što Hormaša zatrymali ludzi ŭ cyvilnym kala jaho doma, zabrali ŭ mikraaŭtobus razam z rovaram. Paźniej jaho aštrafavali na 1350 rubloŭ pa troch administracyjnych pratakołach: za ŭdzieł u niesankcyjanavanym masavym mierapryjemstvie, niepadparadkavańnie supracoŭniku milicyi i drobnaje chulihanstva.
Ale Jaŭhienu dapamahli sabrać hrošy na placoŭcy molamola.by na štraf litaralna za chviliny. Paviedamlałasia, što «ludzi tak aktyŭna vykazvali salidarnaść, što nie vytrymlivaŭ sajt». Pakolki hrošaj sabrali bolš, čym treba, ravaryst płanavaŭ pieravieści častku sumy na dapamohu inšym zatrymanym na akcyjach u padtrymku Siarhieja Cichanoŭskaha.
Ciapier minčuka zatrymali ŭ miežach kryminalnaj spravy i abvinavačvajuć pavodle troch artykułach Kryminalnaha kodeksa:
- č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak);
- č. 3 art. 361-1 (udzieł u ekstremisckim farmavańni);
- č. 1 art. 369 (abraza Łukašenki).
Padrabiaznaści pravaabaroncam nieviadomyja. Jaŭhienu pahražaje da šaści hadoŭ źniavoleńnia.
Padtrymajcie viaźnia: SIZA-1, Minsk, vuł. Vaładarskaha 2, 220030, Jaŭhien Alaksandravič Hormaš
Zatrymanaha za kamientary pra rasijan hramadzianina Turkmienistana chočuć departavać
U Minsku zatrymali supracoŭnika hipiermarkieta za tatuiroŭku «Maskalaku na hilaku»
Dva hady tamu Maryju Kaleśnikavu i Maksima Znaka asudzili na hihanckija terminy. Užo niekalki miesiacaŭ pra ich niama nijakich źviestak
Ciapier čytajuć
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary
Eto nazyvajetsia tak: hadił, hažu i budu hadiť.