Ukraina atrymaje pieršyja dziesiać tankaŭ Abrams užo ŭ hetym miesiacy
Zachodnija aficyjnyja asoby spadziajucca, što atrymańnie tankaŭ daść kijeŭskim siłam pieravahu, nieabchodnuju dla praryvu abarončych umacavańniaŭ Rasii ŭ chodzie kontrnastupu.
Ukraina pavinna atrymać pieršyja dziesiać z 31 abiacanaha tanka «Abrams» u siaredzinie vieraśnia, piša Bi-bi-si sa spasyłkaj na Politico.
Zachodnija aficyjnyja asoby spadziajucca, što atrymańnie tankaŭ daść kijeŭskim siłam pieravahu, nieabchodnuju dla praryvu abarončych umacavańniaŭ Rasii ŭ chodzie kontrnastupu.
Sa słoŭ pradstaŭnika Minabarony ZŠA, dziesiać tankaŭ ciapier znachodzicca ŭ Niamieččynie na zaviaršalnym etapie ramontu.
Jak tolki ŭsio budzie hatova, jany buduć adpraŭlenyja va Ukrainu.
Kala 200 ukrainskich vajskoŭcaŭ prajšli navučańnie na navučalnych tankach na palihonach u Niamieččynie, paviedamlaŭ 18 žniŭnia aficyjny pradstaŭnik Pientahona pałkoŭnik Marcin O'Doneł.
M1 Abrams — sučasny asnoŭny bajavy tank, na jakim ustanoŭlena adna z samych daskanałych (i składanych) sistem kiravańnia ahniom, jakaja ŭklučaje i łaziernyja dalnamiery, i prybory načnoha bačańnia, i bartavy kampjutar, jaki dapamahaje vybirać celi i navodzicca na ich.
Hałoŭny minus «Abramsa» — jaho vialikaja vaha, heta adzin z samych ciažkich u śviecie tankaŭ. Jaho, imavierna, budzie davoli składana vykarystoŭvać na biezdaražy.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary