Biełaruś źbirajecca vyroščvać hreckija arechi ŭ pramysłovych maštabach
Častka pojdzie na ekspart, dzielicca płanami ministr sielskaj haspadarki Siarhiej Bartaš.
Ministr sielskaj haspadarki i charčavańnia Siarhiej Bartaš u efiry telekanała ANT raspavioŭ ab pramysłovym vyroščvańni hreckich arechaŭ u Biełarusi, piša BiełTA.
Pavodle jaho słoŭ, Biełaruś hatovaja da lubych vyklikaŭ pryrody i ŭ adpaviednaści sa źmianieńniem klimatu vyroščvaje novyja kultury.
«My vyroščvajem i bachčavyja [kultury] ŭžo. Kali brać 20 hadoŭ tamu, to nichto, napeŭna, nie vieryŭ, što my možam vyroščvać hreckija arechi. U pryncypie, mała chto vyroščvaŭ hreckija arechi», — skazaŭ Siarhiej Bartaš.
Pavodle jaho słoŭ, siońnia možna kazać, što hetaja kultura moža apracoŭvacca na terytoryi krainy pad poŭnuju patrebu.
«A moža, jašče i pojdzie z časam na ekspart, heta značyć u pramysłovych maštabach, — dapoŭniŭ ministr. — Siońnia ŭ nas zakładzieny arechavyja sady i ŭ Bresckaj vobłaści, i ŭ Minskaj, jakija buduć pracavać u pramysłovych maštabach».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty9
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary