Беларусь збіраецца вырошчваць грэцкія арэхі ў прамысловых маштабах
Частка пойдзе на экспарт, дзеліцца планамі міністр сельскай гаспадаркі Сяргей Барташ.
Міністр сельскай гаспадаркі і харчавання Сяргей Барташ у эфіры тэлеканала АНТ распавёў аб прамысловым вырошчванні грэцкіх арэхаў у Беларусі, піша БелТА.
Паводле яго слоў, Беларусь гатовая да любых выклікаў прыроды і ў адпаведнасці са змяненнем клімату вырошчвае новыя культуры.
«Мы вырошчваем і бахчавыя [культуры] ўжо. Калі браць 20 гадоў таму, то ніхто, напэўна, не верыў, што мы можам вырошчваць грэцкія арэхі. У прынцыпе, мала хто вырошчваў грэцкія арэхі», — сказаў Сяргей Барташ.
Паводле яго слоў, сёння можна казаць, што гэтая культура можа апрацоўвацца на тэрыторыі краіны пад поўную патрэбу.
«А можа, яшчэ і пойдзе з часам на экспарт, гэта значыць у прамысловых маштабах, — дапоўніў міністр. — Сёння ў нас закладзены арэхавыя сады і ў Брэсцкай вобласці, і ў Мінскай, якія будуць працаваць у прамысловых маштабах».
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары